గ్రూప్ 1 ప్రిలిమినరీ ఎగ్జామ్ కీ (Group1 Preliminary Key) విడుదలైంది. టీఎస్పీఎస్సీ (TSPSC) అధికారిక వెబ్సైట్లో ఈ కీని అందుబాటులో ఉంచింది. ఈనెల 16 వ తేదీన టీఎస్పీఎస్సీ గ్రూప్ 1 ప్రిలిమనరీ ఎగ్జామ్ నిర్వహించింది. 2.8 లక్షల మంది అభ్యర్థులు ఈ పరీక్షకు హాజరయ్యారు. అభ్యర్థులు ఓఎంఆర్ ఆన్షర్ షీట్లతో పాటు ప్రైమరీ కీని టీఎస్పీఎస్సీ విడుదల చేసింది. మాస్టర్ క్వొశ్చన్ పేపర్, దానికి సంబంధించిన కీని అందుబాటులో ఉంచింది. వెబ్సైట్లో అభ్యర్థులు తమ వివరాలు నమోదు చేసి లాగిన్ అయ్యి ఓఎంఆర్ షీట్లను డౌన్ లోడ్ చేసుకోవచ్చు.
ప్రిలిమినరీ ‘కీ’పై ఏమైనా అభ్యంతరాలుంటే అభ్యర్థులు అక్టోబర్ 31వ తేదీ నుంచి నవంబర్ 4వ తేదీ సాయంత్రం 5 గంటల లోగా వెబ్సైట్ లో నిర్దేశిత లింక్ ద్వారా తెలియజేయాలి. అందుకు తగిన ఆధారాలను పీడీఎఫ్ రూపంలో అప్లోడ్ చేయాలి. గడువు దాటిన తర్వాత అందే అభ్యంతరాలను పరిగణనలోకి తీసుకోరు. అభ్యంతరాల పరిశీలన అనంతరం టీఎస్పీఎస్సీ ఫైనల్ కీ విడుదల చేయనుంది. అందుకు సంబంధించి టీఎస్పీఎస్సీ నోట్ ఇక్కడ అందుబాటులో ఉంది.
