నీట్ అడ్మిట్ కార్డులు విడుదల..ఇక్కడ డౌన్ లోడ్ చేసుకోండి

దేశవ్యాప్తంగా వైద్య విద్యా కోర్సుల్లో ప్రవేశాల కోసం నిర్వహించే నీట్ యూజీసీ 2024 పరీక్షకు అడ్మిట్ కార్డులు రిలీజ్ అయ్యాయి. మే 5న ఆదివారం జరిగే ఈ పరీక్షకు మధ్యే సిటీ ఇంటిమేషన్ స్లిప్పులు కూడా విడుదల చేసిన నేషనల్ టెస్టింగ్ ఏజెన్సీ తాజాగా అడ్మిట్ కార్డులను వెబ్ సైట్లో అందుబాటులోకి తీసుకువచ్చింది. నీట్ పరీక్షకు ఈసారి 24లక్షల మందికి పైగా విద్యార్థులు రిజిస్టర్ చేసుకున్నట్లు సమాచారం. పెన్ను, పేపర్ విధానంలో దేశవ్యాప్తంగా 13భాషల్లో నిర్వహించే ఈ పరీక్షకు 557 కేంద్రాల్లో, విదేశాల్లో 14 సిటీల్లో ఎన్టీఏ అధికారులు ఏర్పాట్లు పూర్తి చేశారు. అప్లికేషన్ నెంబర్, పుట్టినతేదీ, సెక్యూరిటీ పిన్ ఎంటర్ చేసి విద్యార్థులు తమ హాల్ టికెట్లు డౌన్ లోడ్ చేసుకోవచ్చు. ఏవైనా ఇబ్బందులు ఎదురైతే 011-40759000 లేదా neet@nta.ac.inకు మెయిల్ ద్వారా సంప్రదించవచ్చు. అడ్మిట్ కార్డు కోసం ఇక్కడ క్లిక్ చేయండి.