హైదరాబాద్‌లోని తెలంగాణరాష్ట్ర విద్యుదుత్పత్తి సంస్థ (TS GENCO) 339 అసిస్టెంట్ ఇంజినీర్(AE) పోస్టుల భర్తీకి ఇటీవలే నోటిఫికేషన్ జారీ చేసింది. బీఈ, బీటెక్‌ ఉత్తీర్ణులైన అభ్యర్థులు ఆన్‌లైన్‌లో దరఖాస్తు చేసుకోవచ్చు. వీటితో పాటు 60 కెమిస్ట్ పోస్టులను ప్రత్యక్ష, రెగ్యులర్ నియామకాల పద్ధతిలో భర్తీ చేసేందుకు సంస్థ యాజమాన్యం జారీచేసింది. కెమిస్ట్ పోస్టులకు ఎంఎస్సీ ఉత్తీర్ణులైన అభ్యర్థులు అప్లై చేసుకోవాలి. ఈ రెండు పరీక్షల ఆన్లైన్ దరఖాస్తు గడువును సంస్థ పొడగించింది. అర్హులైన అభ్యర్థులు నవంబర్ 10వ తేదీలోగా అప్లై చేసుకోవచ్చు.
నవంబర్ 14, 15 తేదీల్లో దరఖాస్తులకు ఎడిట్ ఛాన్స్ ఇచ్చారు. డిసెంబర్‌ 17వ తేదీన రాత పరీక్ష నిర్వహిస్తారు. రాష్ట్రంలో కొత్తగా నిర్మిస్తున్న యాదాద్రి, భద్రాద్రి విద్యుత్ కేంద్రాల నిర్వహణతో పాటు ఇప్పటికే ఉన్న పాత విద్యుత్ కేంద్రాల అవసరాల కోసం ఈ పోస్టులు భర్తీ చేయనున్నారు.
