ఇంటర్ వార్షిక పరీక్ష 2024 సంవత్సరానికి గాను ఫీజు చెల్లింపు తేదీలను తెలంగాణ ఇంటర్ బోర్డు ప్రకటించింది. నేటి నుంచి అనగా ( అక్టోబర్ 26)వ తేదీ నుంచి ఫీజు చెల్లింపు ప్రక్రియ మొదలైంది. నవంబర్ 14వ తేదీ వరకు ఎలాంటి ఫైన్ లేకుండా విద్యార్థులు ఫీజును చెల్లించవచ్చని ఇంటర్ బోర్డు తెలిపింది. అనివార్య కారణాల వల్ల నవంబర్ 14వ తేదీ లోపు ఫీజు చెల్లించని విద్యార్థులు నవంబర్ 15 నుంచి 23వ తేదీ వరకు ఫైన్ తో ఫీజు కట్టే అవకాశాన్ని కల్పించింది. వంద రూపాయలు రూపాయల ఫైన్ తో ఈ ఫీజును చెల్లించవచ్చు. నవంబర్ 25 నుంచి డిసెంబర్ 4వరకు రూ. 5వందలు, డిసెంబర్ 6వ తేదీ నుంచి డిసెంబర్ 13వ తేదీ వరకు రూ. వెయ్యి రూపాయలు, డిసెంబర్ 15వ తేదీ నుంచి డిసెంబర్ 20వ తేదీ వరకు ఫీజు చెల్లించే విద్యార్థులు రూ. 2వేల రూపాయల ఫైన్ తో చెల్లించవచ్చని ఇంటర్ బోర్డు తెలిపింది.