తెలంగాణ జెన్కో అసిస్టెంట్ ఇంజనీర్ (ఎలక్ట్రికల్, మెకానికల్, ఎలక్ట్రానిక్స్ అండ్ సివిల్) మరియు కెమిస్ట్ పోస్టుల భర్తీ కోసం నిర్వహించనున్న రాత పరీక్ష వాయిదా పడింది. అక్టోబర్లో వెలువడ్డ ఈ నోటిపికేషన్కు సంబంధించి ఈనెల 17న పరీక్ష జరగాల్సి ఉంది. అదే రోజున ఇతర పోటీ పరీక్షలున్నందున, ఈ పరీక్షను వాయిదా వేయాలని అభ్యర్థులు వరుసగా అధికారులకు విజ్ఞప్తులు అందించారు. ఇటీవల ప్రభుత్వం నిర్వహిస్తున్న ప్రజా దర్బార్కు హాజరై సీఎం రేవంత్రెడ్డికి వినతిపత్రం అందించారు. స్పందించిన సీఎం పరీక్ష వాయిదా వేయాలని సంబంధిత అధికారులను ఆదేశించారు. సీఎం ఆదేశాలతో రాత పరీక్షను వాయిదా వేస్తున్నట్లు జెన్కో ప్రకటించింది. తదుపరి తేదీని ఇంకా ప్రకటించలేదు.