బ్యాంక్​ జాబ్స్​కు ఎదురుచూస్తున్న యువతకు గుడ్​ న్యూస్​. స్టేట్‌ బ్యాంక్‌ ఆఫ్‌ ఇండియా(SBI)లో భారీ ఉద్యోగాల నోటిఫికేషన్​ వెలువడింది. ముంబయి ప్రధాన కేంద్రంగా ఉన్న దేశంలోని అతి పెద్ద ప్రభుత్వ రంగ బ్యాంక్‌ ఎస్​బీఐ. ఈసారి పెద్ద ఎత్తున క్లర్క్​ జాబ్​ల ఖాళీలను భర్తీ చేయనుంది. ఈ నోటిఫికేషన్‌ ద్వారా దేశ వ్యాప్తంగా 8,773 జూనియర్‌ అసోసియేట్స్‌(క్లరికల్‌ కేడర్‌) పోస్టులను భర్తీ చేయనుంది. వీటిలో హైదరాబాద్ సర్కిల్‌లో 525, అమరావతి సర్కిల్‌లో 50 ఖాళీలున్నాయి. ఎనీ డిగ్రీ పాసైన అభ్యర్థులందరూ ఈ పోస్టులు అర్హులు. డిగ్రీ ఫైనల్‌/ చివరి సెమిస్టర్‌ విద్యార్థులు కూడా దరఖాస్తు చేసుకోవచ్చు. అభ్యర్థుల వయస్సు ఈ ఏడాది ఏప్రిల్​ ఒకటో తేదీ 20 ఏళ్ల నుంచి 28 ఏళ్ల మధ్య ఉండాలి. అర్హత, ఆసక్తిగల అభ్యర్థులు నవంబర్‌ 17 నుంచి డిసెంబర్‌ 7వ తేదీ వరకు ఆన్​లైన్​లో అప్లై చేసుకోవాలి.  

ఖాళీల వివరాలు

పోస్టులు: జూనియర్‌ అసోసియేట్స్‌(కస్టమర్‌ సపోర్ట్‌ అండ్‌ సేల్స్‌)
మొత్తం పోస్టుల సంఖ్య: 8,773. 
హైదరాబాద్‌ సర్కిల్‌(తెలంగాణ)లో పోస్టుల సంఖ్య: 525.
అమరావతి సర్కిల్‌(ఆంధ్రప్రదేశ్‌)లో పోస్టుల సంఖ్య: 50.
అప్లికేషన్లు: ఆన్‌లైన్‌లో దరఖాస్తు చేసుకోవాలి. 

ముఖ్య తేదీలు

ఆన్‌లైన్‌ దరఖాస్తు ప్రక్రియ ప్రారంభం: నవంబర్​ 17
ఆన్‌లైన్‌ దరఖాస్తులకు చివరి తేది: డిసెంబర్​ 07
ప్రిలిమినరీ పరీక్ష: జనవరి 2024లో జరుగుతుంది. 
మెయిన్‌ పరీక్ష తేది: ఫిబ్రవరి 2024లో జరుగుతుంది

సెలెక్షన్​: ఆన్‌లైన్‌ టెస్ట్‌(ప్రిలిమినరీ, మెయిన్‌ ఎగ్జామ్‌), స్థానిక భాష పరీక్ష ద్వారా ఎంపిక జరుగుతుంది. 

ప్రిలిమినరీ పరీక్ష: ఇది 100 మార్కులకు ఆబ్జెక్టివ్‌ విధానంలో జరుగుతుంది. ఇందులో మూడు విభాగాలు ఉంటాయి. ఇంగ్లిష్‌ లాంగ్వేజ్‌ 30 ప్రశ్నలు.. 30 మార్కులకు; న్యూమరికల్‌ ఎబిలిటీ 35 ప్రశ్నలు… 35 మార్కులకు; రీజనింగ్‌ ఎబిలిటీ 35 ప్రశ్నలు… 35 మార్కులకు జరుగుతుంది.  పరీక్ష సమయం ఒక గంట. నెగిటివ్‌ మార్కుల విధానం అమల్లో ఉంటుంది. ప్రతి తప్పు సమాధానానికి 1/4 మార్కుల కోత విధిస్తారు. ప్రిలిమినరీ పరీక్షలో సాధించిన మార్కుల ఆధారంగా ప్రధాన పరీక్షకు ఎంపికవుతారు. 

మెయిన్‌ ఎగ్జామ్‌: మెయిన్‌ పరీక్ష 200 మార్కులకు ఉంటుంది. ప్రశ్నల సంఖ్య 190. ఇందులో నాలుగు విభాగాలు ఉంటాయి. జనరల్‌/ ఫైనాన్షియల్‌ అవేర్‌నెస్‌ 50 ప్రశ్నలు… 50 మార్కులు; జనరల్‌ ఇంగ్లిష్‌ 40 ప్రశ్నలు… 40 మార్కులు; క్వాంటిటేటివ్‌ అప్టిట్యూడ్‌ 50 ప్రశ్నలు… 50 మార్కులు; రీజనింగ్‌ ఎబిలిటీ అండ్‌ కంప్యూటర్‌ అప్టిట్యూడ్‌ 50 ప్రశ్నలు… 60 మార్కులకు పరీక్ష జరుగుతుంది. పరీక్ష సమయం రెండు గంటల 40 నిమిషాలు.