నిరుద్యోగులకు శుభవార్త చెప్పింది ఆరోగ్య శాఖ. ఆరోగ్య కుటుంబ సంక్షేమ మంత్రిత్వ శాఖకు చెందిన డైరెక్టరేట్ జనరల్ ఆఫ్ హెల్త్ సర్వీసెస్ పలు నగరాల్లో వైద్య సంస్థల్లో ఖాళీగా ఉన్న 487 పోస్టుల భర్తీకి నోటిఫికేషన్ రిలీజ్ చేసింది. న్యూఢిల్లీ, ముంబై, కోల్ కతా, చెన్నైలలో ఈ ఉద్యోగాలను భర్తీ చేయనున్నట్లు వెల్లడించింది. ఆరోగ్య శాఖ ప్రకటించిన పోస్టులకు అభ్యర్థులను కంప్యూటర్ ఆధారిత పరీక్ష ద్వారా సెలక్ట్ చేస్తారు.
రీసెర్చ్ అసిస్టెంట్, టెక్నిషియన్, ల్యాబొరేటరీ అటెండెంట్, ల్యాబొరేటరీ టక్నీషియన్, హెల్త్ ఇన్ స్పెక్టర్ ఫీల్డ్ వర్కర్, లైబర్రీ అండర్ ఇన్ఫర్మేషన్ అసిస్టెంట్, లైబ్రరీ క్లర్క్, ఫిజియోథెరిపిస్ట్, మెడికల్ సోషల్ వెల్ఫెర్, మెడికల్ ల్యాబొరేటరీ, యానిమల్ అంటెండెంట్, లైబ్రరీ క్లర్క్, పారామెడికల్ వర్కర్, వర్క్ షాప్ అటెండెంట్ వంటి 487 పోస్టులు ఆరోగ్య కేంద్రాల్లో ఉన్నాయి.
దరఖాస్తు ఫీజు రూ. 600. మహిళలకు ఎస్సీ, ఎస్టీ, పీడబ్ల్యూబీడీ అభ్యర్థులకు ఫీజులో మినహాయింపు ఇచ్చారు.
వయస్సు: ఉద్యోగాన్ని బట్టి మారుతుంది. కొన్ని పోస్టులకు 25ఏళ్లు ఉండగా మరికొన్ని పోస్టులకు 27 సంవత్సరాలు ఉంది. ఓబీసీలు, ఎక్స్ సర్వీస్ మెన్ కు 3ఏళ్లు, ఎస్సీ, ఎస్టీలు ప్రభుత్వ ఉద్యోగులకు 5ఏళ్లు, పీడబ్ల్యూబీడీ అభ్యర్థులకు 10 నుంచి 15ఏళ్ల మినహాయింపు ఇచ్చారు.
అర్హతలు:
హెల్త్ ఇన్ స్పెక్టర్ పోస్టులకు దరఖాస్తు చేసుకునే అభ్యర్థులు ఏదైనా డిగ్రీ, శానిటరీ ఇన్ స్పెక్టర్, హెల్త్ ఇన్ స్పెక్టర్, శానిటరీ హెల్త్ ఇన్ స్పెక్టర్ డిప్లొమాలో ఉత్తీర్ణులై ఉండాలి. లేదా ఇంటర్ పూర్తి చేసి ఉండాలి. రెండేళ్ల ఉద్యోగానుభవం తప్పని సరి. గరిష్ట వయస్సు 30ఏళ్లు మించకూడదు.
ఫీల్డ్ వర్కర్ లు పదో తరగతి పాసైఉండాలి. వయస్సు 25ఏళ్లు.
ల్యాబొరేటరీపోస్టులకు దరఖాస్తు చేసుకోవాలని పదో తరగతి పాసై ఉండాలి. గరిష్ట వయస్సు 27 ఏళ్లు.
నర్సింగ్ పోస్టులకు బీఎస్సీ, నర్సింగ్ ఉత్తీర్ణత సాధించి ఉండాలి. 50 పడకల ఆసుపత్రిలో ఏడాదిపాటు పనిచేసిన అనుభవం ఉండాలి. వయస్సు 30ఏళ్లు.
పరీక్ష విధానం :
ప్రశ్నపత్రం అబ్జెక్టివ్ విధానంలో ఇంగ్లీష్, హిందీ భాషల్లో ఉంటుంది. 60 మార్కుల ప్రశ్నలు ఉంటాయి. ఒక్కో ప్రశ్నకూ 4 మార్కులు ఉంటాయి. ప్రతి తప్పు సమాధానానికి 1 మార్కు తగ్గిస్తారు. పరీక్ష వ్యవధి 60 నిమిషాల. ఉంటుంది. పరీక్ష తేదీని వెబ్ సైట్, అడ్మిట్ కార్డుల ద్వారా వెల్లడిస్తారు.
దరఖాస్తుకు చివరి తేదీ 30-11-2023
ఆన్ లైన్ విధానం ద్వారా 01-12-2023
అడ్మిట్ కార్డు డౌన్ లోడ్ డిసెంబర్ మొదటివారం
పూర్తి వివరాలను ఈ వెబ్ సైట్లో చెక్ చేసుకోండి. https://aiihph.gov.in/