HomeJOBSగ్రూప్​ 1, 2 ఇంటర్వ్యూలు లేనట్లే... సీఎం దగ్గరకు ఫైల్​

గ్రూప్​ 1, 2 ఇంటర్వ్యూలు లేనట్లే… సీఎం దగ్గరకు ఫైల్​

గ్రూప్ 1.. గ్రూప్​ 2 పోస్టుల రిక్రూట్​మెంట్​ లో ఈసారి ఇంటర్వ్యూలు ఎత్తి వేయాలని తెలంగాణ ప్రభుత్వం యోచిస్తోంది. అందుకు సంబంధించిన సాధ్యసాధ్యాలపై ఇప్పటికే టీఎస్​పీఎస్​సీ ఆఫీసర్లతో చర్చించింది. ఇటీవల ఏపీ ప్రభుత్వం గ్రూప్​ 1 నియామకాల్లో ఇంటర్వ్యూలను ఎత్తేసింది. నియామకాలు ఆలస్యం కాకుండా, ఆరోపణలకు తావు లేకుండా ఉంటుందని ఏపీ ప్రభుత్వం ఈ నిర్ణయం తీసుకుంది. అదే పద్ధతిని ఇక్కడ అనుసరించాలని తెలంగాణ ప్రభుత్వం భావిస్తోంది.

Advertisement

ప్రస్తుతమున్న గ్రూప్​ 1​ నియామక పద్ధతి ప్రకారం ఆబ్జక్టివ్​ పద్ధతిలో ప్రిలిమ్స్, అందులో క్వాలిఫై అయిన వారికి.. డిస్క్రిప్టివ్​ పద్ధతిలో మెయిన్స్​ పరీక్షలు నిర్వహిస్తారు. ఈ స్కోర్​ మెరిట్​ ప్రకారం ఇంటర్వ్యూలు నిర్వహించి.. తుది సెలెక్షన్​ చేపడుతారు. డిస్క్రిప్టివ్ ​ పేపర్లకు​ 900 మార్కులుంటే.. ఇంటర్వ్యూకు 100 మార్కులు కేటాయించారు. గ్రూప్​ 2 రిక్రూట్​మెంట్​ ప్రాసెస్​లో ఇంటర్వ్యూకు 75 మార్కులు కేటాయించారు. ఇంటర్వ్యూలు నిర్వహించే ప్రక్రియ సుదీర్ఘంగా జరుగనుండటంతో ఈ పోస్టుల భర్తీ నెలల తరబడి ఆలస్యమవుతుంది. ఇంటర్వ్యూలు ఎంత పారదర్శకంగా నిర్వహించినా.. అవకతవకలు జరిగాయనే ఆరోపణలూ వచ్చే అవకాశమూ ఉంటుంది. అందుకే మంత్రులతో పాటు టీఎస్​పీఎస్​సీ ఆఫీసర్లు ఇంటర్వ్యూలను ఎత్తేసే విషయంపై ఇప్పటికే చర్చించారు. ఒకవేళ ఇంటర్వ్యూలను తీసేస్తే అంతమేరకు వంద మార్కులను మెయిన్స్​లో పెంచటం… లేదా 900 మార్కులకు స్కోర్​ను కుదించే ఆలోచన ఉందని అంటున్నారు.

రాష్ట్రంలో 80,039 పోస్టులను భర్తీ చేస్తామని గత నెలలోనే సీఎం కేసీఆర్ అసెంబ్లీలో ప్రకటించారు. గ్రూప్​1 పోస్టులు 503, గ్రూప్​ 2లో 582 పోస్టులను భర్తీ చేయనున్నట్టు చెప్పారు. ఆ వెంటనే గ్రూప్ 1 పోస్టుల భర్తీకి ఆర్థికశాఖ ఆమోదం తెలిపింది. రిక్రూట్మెంట్ ప్రాసెస్ లో భాగంగా టీఎస్​పీఎస్సీ ​పోస్టులకు సంబంధించిన, రోస్టర్, రిజర్వేషన్ల వివరాలను రెడీ చేసింది. తుది కసర్తతు పూర్తి కాగానే ఎప్పుడంటే అప్పుడు నోటిఫికేషన్​ విడుదల చేస్తేందుకు సిద్ధంగా ఉన్నట్లు టీఎస్​పీఎస్​సీ వర్గాలు చెబుతున్నాయి. ఇంటర్వ్యూలను తీసేసే ఆలోచన ఉన్నందుకే నోటిఫికేషన్​ ఆలస్యమవుతుందనే అభిప్రాయాలు వ్యక్తమవుతున్నాయి. ఇప్పటికే ఈ ప్రతిపాదన సీఎంవోకు చేరింది. దీంతో ఢిల్లీ నుంచి వచ్చిన తర్వాత సీఎం కేసీఆర్​ తీసుకునే నిర్ణయం మేరకు ఇంటర్వ్యూలపై క్లారిటీ రానుంది.

Advertisement

RECENT POSTS

LEAVE A REPLY

Please enter your comment!
Please enter your name here

x
error: Content is protected !!