టీఎస్​ టెట్​–2022 నోటిఫికేషన్​లో టెట్​ సర్టిఫికేట్​కు లైఫ్​ వ్యాలిడిటీతో పాటు బీఈడీ వారికి పేపర్​ -1 రాసేందుకు అవకాశం కల్పిస్తూ కొత్త రూల్స్​ తీసుకొచ్చింది విద్యాశాఖ. అయితే గతంలో బీఈడీ చేసిన వారు పేపర్​–2 మాత్రమే రాసేందుకు అర్హత ఉండేది. ఇందులో బీఈడీలో వారు చదివిన మెథడాలజీ సంబంధించి కంటెంట్​తో పాటు సైకాలజీ, లాంగ్వేజెస్​ ప్రశ్నలు ఇచ్చే వారు. దీంతో వారి సిలబస్​ పరిధి తక్కువ కానీ పేపర్​–1లో మాత్రం 1 నుంచి 5 తరగతుల వరకు 5 సబ్జెక్టుల కంటెంట్​తో పాటు, 5 మెథడాలజీలు, సైకాలజీ తప్పనిసరిగా చదవాల్సిందే..

• టెట్​ సిలబస్​లో సైకాలజీ సంబంధించిన పేపర్​–1, పేపర్​–2 దాదాపు ఒకే విధంగా ఉన్నా.. అభ్యర్థులు బీఈడీ, డీఈడీలో చదివిని సిలబస్‌లో కొంత మార్పులు ఉన్నాయి. ముఖ్యంగా డీఈడీలోని సిలబస్​ ప్రాథమిక స్థాయి విద్యార్థులనుద్దేశించి రూపొందించింది. అయితే పేపర్​–1 రాసే బీఈడీ అభ్యర్థులు టెట్​ సైకాలజీ సిలబస్​ను డీఈడీ సైకాలజీకి అన్వయించుకుంటూ చదవాల్సి ఉంటుంది.
  
• టెట్​ పేపర్​2 సోషల్​ స్టడీస్​ రాసే అభ్యర్థులు పేపర్​1 రాస్తే వారు సైన్స్‌తో పాటు మ్యాథమెటిక్స్​ సబ్జెక్ట్ ప్రిపేర్​ కావాల్సి ఉంటుంది. సోషల్​ స్టూడెంట్స్​ మ్యాథ్స్​ సబ్జెక్ట్​ ఇబ్బందిగా భావిస్తారు. అలా అని వదిలిపెట్టకుండా 1 నుంచి 5వతరగతి వరకు ప్రాథమిక స్థాయి సిలబస్​ను అర్ధం చేసుకుని ప్రాక్టీస్​ చేస్తే మార్కులు సాధించవచ్చు.
  
• టెట్​ పేపర్​2 సైన్స్​ రాసే అభ్యర్థులకు సైన్స్​, మ్యాథ్స్​ సంబంధించి 60 ప్రశ్నలు ఉంటాయి. కానీ పేపర్​ –1లో సైన్స్​, సోషల్​ రెండింటికి కలిపి కేవలం 30 మార్కులు మాత్రమే కేటాయించారు. దీనిని అభ్యర్థులు గమనించాలి. అదే విధంగా బీఈడీ అభ్యర్థులకు ప్రాథమిక స్థాయి సిలబస్​ అంటే చిన్న విషయంగా భావిస్తారు. కానీ సాధారణ స్థాయి ప్రశ్నలే కొన్ని సార్లు ఇబ్బంది పెడతాయి. తప్పనిసరిగా 1 నుంచి 5వ తరగతి వరకు గల పరిసరాల విజ్ఞానం పుస్తకాలను లైన్​ టు లైన్ చదవాల్సిందే..
  
• తెలుగుకు సంబంధించిన వ్యాకరణ అంశాలు పేపర్​ 1, పేపర్​2కు ఒకే విధంగా ఉన్నా..కంటెంట్​ విషయానికొస్తే తప్పనిసరిగా 1వ తరగతి నుంచి 8వ తరగతి వరకు ఉన్నా కవి పరిచయాలు, పాఠ్యాంశ నేపథ్యాలు,సంభాషణలు, పాత్రలు చదువుకోవాలి. గతంలో 2వ తరగతి తెలుగు పాఠ్యాంశంలోనుంచి కూడా ప్రశ్నలు అడిగారు.
  
• బీఈడీ చేసిన అభ్యర్థులు మెథడాలజీ కి సంబంధించి.. ఈ కోర్సులో భాగంగా వారికి సంబంధించిన సబ్జెక్ట్​ మెథడాలజీ మాత్రమే చదివి ఉంటారు. సోషల్​ స్టడీస్​ వారికి సైన్స్​, మ్యాథ్స్​ మెథడాలజీ తో సంబంధం ఉండదు. సైన్స్​ వారికి సోషల్ మెథడాలజీ సంబంధం ఉండదు. కానీ టెట్​ పేపర్​–1 రాస్తే అన్ని సబ్జెక్టుల మెథడాలజీల సంబంధించిన ప్రశ్నలు ఇస్తారు. ఇది బీఈడీ అభ్యర్థులకు కొంత ఇబ్బంది కలిగించే విషయమే.. కానీ మెథడ్స్​లో బోధన లక్ష్యాలు, పద్ధతులు, మూల్యాంకనం పలు అంశాలు అన్ని సబ్జెక్టులకు ఒకే విధంగా ఉంటాయి. కాబట్టి అభ్యర్థులు మూడు మెథడాలజీలను అన్వయించుకుంటూ చదివితే పెద్ద కష్టమేమి కాదు.
  
• ముఖ్యంగా బీఈడీ అభ్యర్థులు పేపర్​–1 లేదా పేపర్​–2 రెండింటిలో దేనికి ప్రిపేరవుతారో స్పష్టత ఉండాలి. ఏదైనా ఒకే పేపర్​కు ప్రిపేరయితేనే మంచి స్కోర్​ సాధించగలరు. సిలబస్​ పరిధి చాలా ఎక్కువగా ఉంటుంది కనుక ఇప్పుడున్న సమయంలో 1వ తరగతి నుంచి 10వ తరగతి వరకు చదవలేరు. రెండింటిని కలిపి చదవితే ఎందులోనూ విజయం సాధించలేరు. కాబట్టి ఏదైనా ఒక దానిపైనే దృష్టి సారించాలి. ఈ సారి పేపర్​–1 రాసే అభ్యర్థుల సంఖ్య దాదాపు 3లక్షలకు పైనే ఉంటుందని అంచనా.. పోటీలో నిలవాలంటే అభ్యర్థులు తీవ్రంగా శ్రమించాల్సిందే..