తెలంగాణ స్టేట్ పబ్లిక్ సర్వీస్ కమిషన్ (టీఎస్పీఎస్సీ) ఇప్పటికే విడుదల చేసిన గ్రూప్-2, గ్రూప్- 3 నోటిఫికేషన్లలో అదనపు పోస్టులను కలిపే ప్రయత్నాలు చేస్తున్నట్లు సమాచారం. గ్రూప్-1 మాదిరే ఈ రెండు ఉద్యోగ నోటిఫికేషన్లలోనూ అదనపు పోస్టులు కలపాలని ప్రభుత్వం కసరత్తులు చేస్తున్నట్లు తెలుస్తోంది.
పెరిగిన పోస్టులతో అనుబంధ నోటిఫికేషన్
2022 గ్రూప్-2 నోటిఫికేషన్లో కటాఫ్ తేదీ ప్రకారం 18 విభాగాల్లో 783 ఖాళీలు ఉన్నాయని తెలిపారు. ఇప్పటివరకు పెరిగిన పోస్టులతో టీఎస్పీఎస్సీ అనుబంధ నోటిఫికేషన్ ఇవ్వనున్నదని తెలిసింది. 2022 డిసెంబర్ 30న విడుదలైన గ్రూప్ -3 అదనపు ఖాళీ పోస్టులు కలుపుకొని అనుబంధ నోటిఫికేషన్ విడుదలయ్యే అవకాశం ఉన్నట్టు తెలుస్తున్నది. కాగా గ్రూప్-3లో ప్రస్తుతం 1375 ఖాళీలు ఉన్నాయి. ఏడాదిలో రెండు లక్షల ఉద్యోగాల భర్తీ టార్గెట్గా పెట్టుకున్న సర్కార్ త్వరలోనే ఈ నోటిఫికేషన్లు ఇవ్వనుంది.