తెలంగాణ ఎస్సీ స్టడీసర్కిల్ లో సివిల్స్ ఫ్రీ కోచింగ్ కు అప్లికేషన్లకు జులై 2వ తేదీ ఆఖరు తేదీ. హైదరాబాద్లోని ఈ స్టడీ సర్కిల్ లో సివిల్స్ ప్రిలిమినరీ మరియు మెయిన్స్ ఎగ్జామ్కు పది నెలల రెసిడెన్షియల్ కోచింగ్ ప్రభుత్వం ఉచితంగా అందిస్తోంది. ఇందులో మొత్తం 100 మంది విద్యార్థులకు ఫ్రీ కోచింగ్ అందిస్తారు. స్టడీ సర్కిల్ నిర్వహించే పరీక్షలో మార్కుల మెరిట్ ఆధారంగా సెలక్షన్ ఉంటుంది. హైదరాబాద్, వరంగల్, నిజామాబాద్ లలో జూలై నెల 9 వ తేదీన రాత పరీక్ష నిర్వహిస్తారు. జనరల్ స్టడీస్ (100 ప్రశ్నలు), సి-శాట్ (40 ప్రశ్నలు) పరీక్ష.. మొత్తం 140 ప్రశ్నలకు పరీక్ష ఉంటుంది. ఇప్పటి వరకు రాష్ట్రంలోని వివిధ జిల్లాల నుంచి 2300 మంది దరఖాస్తు చేసుకున్నట్లు డైరెక్టర్ శ్రీధర్ ప్రకటన విడుదల చేశారు. మొత్దం వంద సీట్లలో 75 ఎస్సీలకు, 15 సీట్లు బీసీలకు, 10 సీట్లు ఎస్టీలకు కేటాయిస్తారు. మొత్తం సీట్లలో 33.33% మహిళలకు, 5% వికలాంగులకు రిజర్వ్ చేస్తారు.
గత ఏడాది (2022-23) ఈ స్టడీ సర్కిల్లో కోచింగ్ తీసుకున్న అభ్యర్థుల్లో 18 మంది ప్రిలిమ్స్ క్వాలిఫై అయి.. మెయిన్స్ పరీక్ష రాశారు. వారిలో ముగ్గురు ఇంటర్వ్యూ కు వెళ్లారు. వీరిలో జనగాంకు చెందిన కొయ్యాడ ప్రణయ్కుమార్ 885 వ ర్యాంకు సాధించారు. అందుకే సివిల్ సర్వీసెస్ కు ప్రిపేరవుతున్న అభ్యర్థులు స్టడీ సర్కిల్లో కోచింగ్ను ఉపయోగించుకోవాలని, వెంటనే అప్లై చేసుకోవాలని స్టడీ సర్కిల్ డైరెక్టర్ సూచించారు.
ఆన్ లైన్లో అప్లై చేసుకునేందుకు అధికారిక వెబ్సైట్ www.tsstudycircle.co.in లో లాగిన్ కావాలి.
Bc a cest all ready csb coching