తెలంగాణ స్టేట్ ఎలిజిబులిటీ టెస్ట్ (TS SET 2023) అప్లికేషన్ల షెడ్యూలులో మార్పులు చోటు చేసుకున్నాయి. టీఎస్సెట్ అప్లికేషన్ల గడువును సెప్టెంబర్ 4వ తేదీ వరకు పొడిగిస్తూ ఉస్మానియా యూనివర్సిటీ ప్రకటన విడుదల చేసింది. ఆగస్ట్ 5వ తేదీ నుంచి అప్లికేషన్ల స్వీకరణ మొదలైంది. కొత్త షెడ్యూల్ ప్రకారం సెప్టెంబర్ 4వ తేదీ వరకు అప్లికేషన్లకు తుది గడువుగా నిర్ణయించింది. నిర్ణీత లేట్ ఫీజుతో సెప్టెంబర్ 24వ తేదీ వరకు అప్లికేషన్లకు గడువు ఉంటుంది. అక్టోబర్ 28, 29, 30వ తేదీన పరీక్షలు నిర్వహిస్తారు. వారం రోజుల ముందుగా 20 వ తేదీ నుంచి అభ్యర్థులు తమ హాల్ టికెట్లను డౌన్లోడ్ చేసుకోవాల్సి ఉంటుంది. యూనివర్సిటీల్లో అసిస్టెంట్ ప్రొఫెసర్లు, కాలేజీల్లో లెక్చరర్ పోస్టులకు ఎలిజిబులిటీ పరీక్షగా సెట్ నిర్వహిస్తారు. ఈ ఉద్యోగాలకు అప్లై చేసుకునే అభ్యర్థులకు సెట్ లేదా పీహెచ్డీ తప్పనిసరి అర్హతగా ఉంటుంది. తెలంగాణ వరుసగా రిలీజవుతున్న ఉద్యోగ రిక్రూట్మెంట్ నోటిఫికేషన్ల నేపథ్యంలో తెలంగాణ సెట్ కీలకం కానుంది.
http://www.telanganaset.org/
