పొద్దున్నే వేడి వేడి ఛాయ్ తాగటమే కాదు.. అసలు ఛాయ్ పత్తా.. టీ పొడి.. టీ తయారయ్యే తేయాకు తోటలకు సంబంధించి అధ్యయనం చేసే డిగ్రీ కోర్సును నార్త్ బెంగాల్ యూన్సివర్సిటీ ఈ ఏడాది అందుబాటులోకి తెచ్చింది. టీ పొడి ఉత్పత్తి, ప్రాసెసింగ్, ప్యాకింగ్ తదితర ప్రక్రియలకు ఇప్పటికే వివిధ కోర్సులు అందుబాటులో ఉన్నాయి. ఫుల్ టైమ్ డిగ్రీ గా టీ సైన్స్ కోర్సు రూపొందించటం ఇది తొలిసారి.
పశ్చిమ బెంగాల్ రాష్ట్రం డార్జిలింగ్ లో ఉన్ననార్త్ బెంగాల్ యూనివర్సిటీ ఈ అడ్మిషన్ల నోటిఫికేషన్ రిలీజ్ చేసింది. తొలుత కేవలం 20 సీట్లతో ఈ కోర్సుని ప్రారంభిస్తోంది.
కోర్సు; బీఎస్సీ(ఆనర్స్) టీ సైన్స్
అప్లికేషన్లు; ఆగస్ట్ 10 వ తేదీ నుంచి 25 వ తేదీ వరకు ఆన్ లైన్ లో దరఖాస్తు చేసుకోవాలి.
అర్హతలు; అభ్యర్థులు 10+2 లో బయాలజీ తో పాటు కెమిస్ట్రీ, ఫిజిక్స్, మాథ్స్, కంప్యూటర్ సైన్స్, జాగ్రఫీ చదివి వుండాలి.
పూర్తి వివరాలు ఈ వెబ్సైట్లో అందుబాటులో ఉన్నాయి.. https://www.nbu.ac.in/