కొత్త జిల్లాల వారీగా టీచర్​ పోస్టుల ఖాళీలు

తెలంగాణాలోని ప్రభుత్వ పాఠశాలల్లో టీచర్ పోస్టుల ఖాళీలపై విద్యాశాఖ నివేదికలో వెల్లడించింది. అయితే రేషనలైజేషన్​ ప్రక్రియ నిర్వహించిన తర్వాత ఖాళీలపై మరింత స్పష్టత వచ్చే అవకాశం ఉంది. డీఎస్సీలో భర్తీ చేసే పోస్టుల్లో ఈ లెక్కన పోస్టులు తగ్గవచ్చు లేదా పెరగవచ్చు. తెలంగాణాలో ఇప్పటి వరకు 2017లో టీచర్ల భర్తీకి తొలి నోటిఫికేషన్​ వెలువడింది. ఈ పరీక్షను 2018లో నిర్వహించారు. ఆ సమయానికి కొత్త జిల్లాల ఏర్పాటు జరిగినా.. రాష్ట్రపతి ఉత్తర్వుల మేరకు పాత 10 జిల్లాల ప్రాతిపదిక గానే టీచర్ల నియామకాలు చేపట్టారు. అయితే ప్రస్తుతం నిర్వహించబోయే డీఎస్సీ 33 కొత్త జిల్లాల ప్రాతిపదికన నిర్వహించనున్నారు. జిల్లా యూనిట్​గా నియామకాలు చేపట్టే డీఎస్సీలో ఉమ్మడి జిల్లాలు ఉన్నప్పుడు అభ్యర్థులు ఎక్కువ పోస్టులకు పోటీ పడే అవకాశం ఉండేది. కానీ ఇప్పుడు కొత్త జిల్లాల ఏర్పాటుతో పోస్టుల సంఖ్య భారీగా తగ్గింది. తాజాగా విద్యాశాఖ విడుదల చేసిన ఖాళీల లెక్కను ఇక్కడ తెలుసుకోండి.