ఇటు చంద్రయాన్‌ 3.. అటు ఆదిత్య ఎల్​1 మిషన్‌ను విజయవంతం చేసిన ఇస్రో మరో కార్యక్రమానికి శ్రీకారం చుట్టింది. భారత్‌ అంతరిక్ష అన్వేషణ ప్రయాణం, చంద్రుడిపై అద్భుతాలను అన్వేషించడానికి కారణమైన విజ్ఞానశాస్త్ర ఆవిష్కరణలపై చంద్రయాన్‌-3 మహాక్విజ్‌ నిర్వహిస్తోంది. ఇందులో అత్యంత ప్రతిభ చూపిన వారికి రూ.లక్ష నజరానా ప్రకటించింది. భారత పౌరులందరూ ఈ క్విజ్​లో పాల్గొనేందుకు అర్హులే. ఈ ఆన్​లైన్​ క్విజ్​లో పది ప్రశ్నలుంటాయి. 5 నిమిషాల్లో వీటిని ఆన్సర్​ చేయాల్సి ఉంటుంది. ఆసక్తి ఉన్న వారెవరైనా సరే ఇక్కడున్న లింక్​పై isroquiz.mygov.in క్లిక్​ చేసి మీ వివరాలు నమోదు చేసిన వెంటనే క్విజ్​ ప్రారంభమవుతుంది.

ఫస్ట్ విన్నర్​కు రూ.1 లక్ష, సెకండ్​ విన్నర్​కు రూ.75 వేలు, థర్డ్ విన్నర్​కు రూ.50 వేల నగదు బహుమతిగా అందిస్తారు. తర్వాత వంద మందికి రూ.2000 చొప్పున కన్సోలేషన్​ బహుమతి అందిస్తారు. ఆ తర్వాత ప్రతిభ కనబరిచిన 200 మందికి రూ.1000 చొప్పున కన్సోలేషన్​ బహుమతిగా అందిస్తారు. ఆలస్యం చేయకండి.. వెంటనే క్విజ్​లో పాల్గొనండి. ఆల్​ ది బెస్ట్