603 గురుకులాల్లో 48,280 సీట్లు
తెలంగాణ గురుకుల విద్యాసంస్థల్లో 5వ తరగతి ప్రవేశాల కోసం టీజీసెట్–2022 నోటిఫికేషన్ విడుదలైంది. దీని ద్వారా రాష్ట్ర వ్యాప్తంగా ఉన్న సాంఘీక సంక్షేమ, గిరిజన సంక్షేమ, మహాత్మాజ్యోతిభాపూలే సంక్షేమ గురుకుల పాశాలల్లో ఎలిజిబులిటీ టెస్ట్ నిర్వహించి ఆయా 48, 280 సీట్లను భర్తీ చేస్తారు.
తెలంగాణ సాంఘీక సంక్షేమ గురుకుల విద్యాసంస్థల సొసైటీ (టీఎస్డబ్ల్యూఆర్ఈఎస్) పరిధిలో బాలుర గురుకులాలు 90, బాలికల గురుకులాలు 140 ఉన్నాయి. వీటిలో మొత్తం 18, 560 సీట్లు ఉన్నాయి. తెలంగాణ గిరిజన సంక్షేమ గురుకుల విద్యాసంస్థల సొసైటీ (టీటీడబ్ల్యూఆర్ఈఐఎస్)లో బాలుర గురుకులాలు 35, బాలికల కోసం 42 ఉన్నాయి. వీటిల్లో 6, 080 సీట్లున్నాయి. తెలంగాణ గురుకుల విద్యాసంస్థల సొసైటీ( టీఆర్ఈఐఎస్)లో బాలురకు 15, బాలికలకు 20 గురుకులాలున్నాయి. వీటిల్లో మొత్తం 2,840 సీట్లు, మహాత్మాజ్యోతిభాపూలే తెలంగాణ వెనుకబడిన తరగతుల సంక్షేమ గురుకుల విద్యాసంస్కథల సొసైటీ(ఎంజేపీటీబీసీడబ్ల్యూఆర్ఈఐఎస్)లో బాలుర గురుకులాలు 132, బాలికల కోసం 129 గురుకులాలు ఉన్నాయి. వీటిల్లో అత్యధికంగా మొత్తం 20, 800 సీట్లు అందుబాటులో ఉన్నాయి. అర్హత పరీక్షలో సాధించిన మార్కులు, రిజర్వేషన్ల ఆధారంగా అడ్మిషన్లు కల్పిస్తారు.
ఎంట్రెన్స్ ఎగ్జామ్
ప్రవేశ పరీక్ష 100 మార్కులకు ఆబ్జెక్టివ్టైపులో నిర్వహిస్తారు. పరీక్షా సమయం 2 గంటలు ఉంటుంది. తెలుగు, ఇంగ్లీష్, మ్యాథ్స్, మెంటల్ ఎబిలిటీ, పరిసరాల విజ్ఞానం సబ్జెక్టులకు సంబంధించి 3, 4వ తరగతి స్థాయిలో ప్రశ్నలు అడుగుతారు. తెలుగు, ఇంగ్లీష్ మాధ్యమాల్లో ప్రశ్నాపత్రం ఉంటుంది.
అప్లికేషన్ ప్రాసెస్
ఆసక్తి గల విద్యార్థులు మార్చి 28లోగా ఆన్లైన్లో అప్లై చేసుకోవాలి. దరఖాస్తు ఫీజు రూ.100 ఉంటుంది. అప్లికేషన్ ఫారంలో తప్పనిసరిగా తల్లిదండ్రుల సంబంధించిన ఫోన్ నంబర్ మాత్రమే ఇవ్వాలి. పరీక్షకు 10 రోజుల ముందు హాల్ టికెట్ డౌన్ చేసుకోవాలి. మే 8న ఉదయం 11 గంటల నుంచి మధ్యాహ్నం 1వరకు పరీక్ష పరీక్ష నిర్వహిస్తారు.
వెబ్సైట్ : www.tswreis.ac.in
www.tgcet.cgg.gov.in
www.tgtwgurukulam.telangana.in