తెలంగాణ హైకోర్టులో 65 ఉద్యోగాలకు నోటిఫికేషన్​

తెలంగాణ హైకోర్టులో వివిధ జాబ్స్​కు నోటిఫికేషన్​ వెలువడింది. జడ్జిలతో పాటు రిజిస్ట్రార్ల పర్సనల్​ సెక్రెటరీలు, కోర్టు మాస్టర్​ పోస్టులను డైరెక్ట్ రిక్రూట్​మెంట్​ ద్వారా భర్తీ చేయనుంది. మొత్తం 65 ఉద్యోగాల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తోంది. దేశంలోని ఏ యూనివ‌ర్సిటీ నుంచైనా డిగ్రీ లేదా ఎల్​ఎల్​బీ (లా గ్రాడ్యుయేట్​) పూర్తయిన వారంద‌రూ ఈ పోస్టుల‌కు అర్హులే. అభ్యర్థులు 2022 జులై 1 నాటికి 18 ఏండ్లు నిండి ఉండాలి. 34 ఏండ్ల వ‌య‌సు మించ‌రాదు. ఎస్సీ, ఎస్టీ, బీసీ, ఈడ‌బ్ల్యూఎస్ కేట‌గిరికి చెందిన అభ్య‌ర్థుల‌కు వ‌యో ప‌రిమితి సడలింపు ఇచ్చారు. ఓసీ, బీసీ కేట‌గిరీ అభ్యర్థులు రూ. 800 అప్లికేషన్​ ఫీజు చెల్లించాలి. ఎస్సీ, ఎస్టీ, ఈడ‌బ్ల్యూఎస్ కేట‌గిరి వారు రూ. 400 చెల్లించాలి. ది రిజిస్ట్రార్ (రిక్రూట్‌మెంట్‌), తెలంగాణ హైకోర్టు పేరిట ఈ డీడీలను తీయాలి. అభ్యర్థులు తమ ద‌ర‌ఖాస్తుల‌ను స్పీడ్ పోస్టు లేదా కొరియ‌ర్ ద్వారా జులై 22 సాయంత్రం 5 గంట‌ల్లోపు తెలంగాణ హైకోర్టుకు పంపాలి. అర్హతలు, దరఖాస్తు ఫారాలు.. పోస్టులకు సంబంధించిన పూర్తి వివరాలు హైకోర్టు వెబ్‌సైట్‌ https://tshc.gov.in/ లో అందుబాటులో ఉన్నాయి. నోటిఫికేషన్​ పీడీఎఫ్ ఇక్కడ​ యథాతథంగా అందిస్తున్నాం