హైదరాబాద్లోని డాక్టర్ బీఆర్ అంబేద్కర్ ఓపెన్ యూనివర్సిటీ లో స్పెషల్ బీఈడీ ప్రోగ్రామ్ 2022–23 అడ్మిషన్లకు నోటిఫికేషన్ రిలీజైంది. ఇందులో విజువల్ ఇంపెయిర్మెంట్, హియరింగ్ ఇంపెయిర్మెంట్, ఇంటలెక్చువల్ డిజెబిలిటీ లో స్పెషలైజేషన్లు అందుబాటులో ఉన్నాయి. ఈ ప్రోగ్రామ్ వ్యవధి రెండేళ్లు ఉంటుంది. ఇందులో 5 సెమిస్టర్లు ఉంటాయి. ఎంట్రెన్స్ టెస్ట్, కౌన్సెలింగ్ ద్వారా ప్రవేశాలు కల్పిస్తారు.
ఎనీ డిగ్రీ పాసైన అభ్యర్థులు ఈ ప్రోగ్రామ్కు అప్లై చేసుకోవచ్చు. బీటెక్/బీఈ ఉత్తీర్ణులైనవారు కూడా అర్హులే. 2021 జూన్ నాటికి 19 ఏళ్లు నిండి ఉండాలి. గరిష్ఠ వయోపరిమితి నిబంధన లేదు.
ఈ కోర్సు పూర్తి చేస్తే భవిష్యతులో మెరుగైన ఉపాధి అవకాశాలు ఉన్నాయి. మానసిక వికలాంగులు, ప్రత్యేకావసరాలున్న పిల్లలు చదువుకునే స్కూళ్లలో స్పెషల్ బీఈడీ పూర్తి చేసిన వారికి ఉద్యోగాల ఎంపికలో ఫస్ట్ ప్రియారిటీ ఇస్తారు.
ఈ ప్రోగ్రామ్లో చేరాలనుకునే అభ్యర్థులు ఎంట్రెన్స్ టెస్ట్ రాయాల్సి ఉంటుంది. ఈ టెస్ట్ పూర్తిగా ఆబ్జెక్టివ్ టైపులో ఉంటుంది. మొత్తం 100 మల్టిపుల్ ఛాయిస్ ప్రశ్నలుంటాయి. ఇందులో రెండు పార్టులు ఉంటాయి. మొదటి పార్ట్లో జనరల్ ఇంగ్లిష్ కాంప్రహెన్షన్ నుంచి 40 ప్రశ్నలు, రెండో పార్ట్లో జనరల్ మెంటల్ ఎబిలిటీ, లాజికల్ అండ్ అనలిటికల్ రీజనింగ్, వెర్బల్ అండ్ అబ్స్ట్రాక్ట్ రీజనింగ్ అంశాల నుంచి 60 ప్రశ్నలు అడుగుతారు.
ఆన్లైన్ దరఖాస్తుకు చివరితేది మార్చి11. ఎంట్రెన్స్ టెస్ట్ మార్చి 20న నిర్వహిస్తారు. ప్రోగ్రామ్ ఫీజు రూ. 30 వేలు, దరఖాస్తు ఫీజు రూ. 600
వెబ్సైట్ : www.braouonline.in