నేష‌న‌ల్ టెస్టింగ్ ఏజెన్సీ(ఎన్‌టీఏ) కామ‌న్ మేనేజ్‌మెంట్ అడ్మిష‌న్ టెస్ట్(సీమ్యాట్) 2022 ప్రక‌ట‌న‌ను విడుద‌ల చేసింది. దీని ద్వారా మేనేజ్‌మెంట్ కోర్సుల్లో అడ్మిషన్స్ కల్పిస్తారు. ఏదైనా బ్యాచిల‌ర్స్ డిగ్రీ ఉత్తీర్ణత. డిగ్రీ చివ‌రి సంవ‌త్సరం విద్యార్థులు కూడా అప్లై చేసుకోవచ్చు. సీమ్యాట్-2022 ప‌రీక్షకు వ‌య‌సుతో సంబంధం లేదు.
సెలెక్షన్ ప్రాసెస్
నేష‌న‌ల్ టెస్టింగ్ ఏజెన్సీ(ఎన్‌టీఏ) కంప్యూటర్ బేస్డ్ ప్రవేశ పరీక్ష ద్వారా ఎంపిక చేస్తోంది. ఈ పరీక్షలో క్వాంటిటేటివ్ టెక్నిక్ అండ్ డాటా ఇంట‌ర్‌ప్రిటేష‌న్, లాజికల్ రీజనింగ్, లాంగ్వేజ్ కాంప్రహెన్షన్‌, జనరల్ అవేర్‌నెస్, ఇన్నవేషన్‌ అండ్ ఆంత్రప్రిన్యూర్‌షిప్‌ అంశాలు ఉంటాయి. క్వశ్చన్ పేపర్ ఇంగ్లిష్ మీడియంలో ఉంటుంది. ఇందులో 100 ప్రశ్నలుంటాయి, ఒక్కోదానికి 4 మార్కులు చొప్పున 400 మార్కుల‌కు దీన్ని నిర్వహిస్తారు. దీనికి నెగిటివ్ మార్కింగ్ ఉంటుంది. ప్రతి త‌ప్పు స‌మాధానానికి 1 మార్కు కోత విధిస్తారు.
అప్లికేషన్ ఫీజు జనరల్ పురుష అభ్యర్థుల‌కు- రూ. 2000, జనరల్ స్త్రీ అభ్యర్థుల‌కు- రూ.1000, ఇత‌ర స్త్రీ, పురుష అభ్యర్థులు రూ.1000 చెల్లించాలి. మార్చి 17వ తేదీ లోపు ఆన్లైన్లో అప్లై చేసుకోవాలి. పూర్తి సమాచారం కోసం సంబంధిత వెబ్సైట్: www.cmat.nta.nic.in సంప్రదించాలి.
గ్రాడ్యుయేట్ ఫార్మసీ అప్టిట్యూడ్ టెస్ట్ (జీప్యాట్‌) 2022
నేష‌న‌ల్ టెస్టింగ్ ఏజెన్సీ(ఎన్‌టీఏ) గ్రాడ్యుయేట్ ఫార్మసీ అప్టిట్యూడ్ టెస్ట్ (జీప్యాట్‌) 2022 నోటిఫికేషన్ రిలీజ్ చేసింది. దీని ద్వారా ఎంఫార్మా కోర్సుల్లో అడ్మిషన్స్ కల్పిస్తున్నారు. ఇంట‌ర్మీడియ‌ట్ త‌ర్వాత ఫార్మసీలో నాలుగేళ్ల బ్యాచిల‌ర్స్ డిగ్రీతో ఉత్తీర్ణత సాధించిన అభ్యర్థులు అర్హులు. జీప్యాట్‌-2022 ద‌ర‌ఖాస్తుకు వ‌య‌సుతో సంబంధం లేదు.
సెలెక్షన్ ప్రాసెస్
కంప్యూటర్ బేస్డ్ టెస్ట్, గ్రూప్ డిస్కష‌న్ అండ్ ప‌ర్సన‌ల్ ఇంట‌ర్వ్యూ ఆధారంగా అభ్యర్థులను ఎంపిక చేస్తారు. ఎగ్జామ్లో 125 ప్రశ్నలుంటాయి, ఒక్కోదానికి 4 మార్కులు చొప్పున 500 మార్కుల‌కు దీన్ని నిర్వహిస్తారు. దీనిలో నెగిటివ్ మార్కింగ్ ఉంటుంది. ప్రతి త‌ప్పు స‌మాధానానికి 1 మార్కు కోత విధిస్తారు.
అప్లికేషన్ ఫీజు జనరల్ పురుష అభ్యర్థుల‌కు- రూ. 2000, జనరల్ స్త్రీ అభ్యర్థుల‌కు- రూ.1000, ఇత‌ర స్త్రీ, పురుష అభ్యర్థులు రూ.1000 చెల్లించాలి. మార్చి 17వ తేదీ వరకు ఆన్లైన్లో అప్లై చేసుకోవాలి. పరీక్ష తేదీ వెల్లడించాల్సి ఉంది. పూర్తి సమాచారం కోసం అభ్యర్థులు వెబ్సైట్: www.gpat.nta.nic.in ను సంప్రదించాలి.
