జులై 31 లేదా ఆగస్​ 7న ఎస్​ఐ ప్రిలిమ్స్​

తెలంగాణ పోలీసు ఉద్యోగాల దరఖాస్తులకు మరో అయిదు రోజులే గడువుంది. ఎస్​ఐ, కానిస్టేబుల్ పోస్టులన్నీ కలిపితే ఇప్పటికే నమోదైన అప్లికేషన్లు 4 లక్షలు దాటాయి. ఈనెల 20వ తేదీతో అప్లికేషన్ల గడువు ముగియనుంది. దీంతో ఈసారి 7 లక్షల వరకు అప్లికేషన్లు వస్తాయని అధికారులు అంచనా వేస్తున్నారు. ఇప్పుడున్న షెడ్యూలు ప్రకారం జులై 31 లేదా ఆగస్టు 7వ తేదీన ఎస్​ఐ రిక్రూట్​మెంట్​కు సంబంధించి ప్రిలిమినరీ పరీక్ష నిర్వహించాలని TSLPRB భావిస్తోంది. ఎస్​ఐ పరీక్ష తర్వాత రెండు వారాల తర్వాత ఆగస్టు 21న కానిస్టేబుల్‌ (CONSTABLE), ఇతర ఉద్యోగాలకు ప్రిలిమినరీ ఎగ్జామ్​ ఉండేలా ఏర్పాట్లు చేస్తున్నారు. ఆగస్టు 28 నాటికి ప్రిలిమినరీ పరీక్షలు పూర్తి చేయాలని టీఎస్​ఎల్​పీఆర్​బీ భావిస్తోంది. దీంతో ప్రిలిమినరీ ఎగ్జామ్​కు సంబంధించిన రిజల్ట్స్ సెప్టెంబర్‌ చివరి వారంలో రిలీజ్​ చేసేందుకు వీలుగా ఉంటుందని షెడ్యూలు రెడీ చేసుకుంది. ఎస్​ఐ, కానిస్టేబుల్​, వివిధ విభాగాల్లో ప్రకటించిన ఉద్యోగాలకు అప్లికేషన్ల గడువు ఈనెల 20వ తేదీన ముగియనుంది. గడువు ముగిసిన తర్వాత క్వశ్చన్​ పేపర్ల తయారీ, ముద్రణకు కనీసం నెలన్నర టైమ్​ పడుతుంది. అందుకే . జులై చివరి వారం లేదా ఆగస్టు రెండో వారంలో ప్రిలిమినరీ నిర్వహించే అవకాశాలున్నాయని బోర్డు వర్గాలు చెబుతున్నాయి. ప్రిలిమినరీ క్వాలిఫై అయిన అభ్యర్థులు మెయిన్స్​ రాసేందుకు మరోసారి అప్లికేషన్లు నమోదు చేయాల్సి ఉంటుంది. అక్తోబర్‌-నవంబర్‌ మధ్య ఈవెంట్స్​ నిర్వహించేందుకు వీలుగా టెంటేటివ్​ షెడ్యూలును బోర్డు తయారు చేసుకుంది. ఎస్​ఐ, కానిస్టేబుల్​ మెయిన్​ ఎగ్జామ్​ డిసెంబర్‌ రెండో వారం నుంచి నాలుగో వారం మధ్య నిర్వహించే అవకాశాలున్నాయి. దీని ప్రకారం సెలక్షన్​ లిస్టు 2023 ఫిబ్రవరి, మార్చిలో వెలువడుతుంది.