HomeLATESTసైకాలజీ: 25 గంటల్లో..25 మార్కులు సాధించే టిప్స్​

సైకాలజీ: 25 గంటల్లో..25 మార్కులు సాధించే టిప్స్​

తక్కువ టైమ్​లో ఎక్కువ మార్కులు సాధించే టిప్స్​..

టెట్​ పరీక్షకు ఇంకా సుమారు 25రోజుల సమయముంది. ఇంకా సైకాలజీ సబ్జెక్ట్‌ను పూర్తి చేయలేకపోయాం.. ఎంత చదివినా గుర్తుండడం లేదు.. ఏ టాపిక్​ నుంచి ఎన్ని క్వశ్చన్లు వస్తాయో అర్ధం కావడం లేదు.. అప్లికేషన్​ టైప్​లో ప్రశ్నలు వస్తే ఎలా ఆన్సర్​ చేయాలి.. గతంలో ఇచ్చిన ప్రశ్నలు ఎక్కువగా ఏఏ టాపిక్​ల నుంచి అడిగారనే అయోమయంలో ఉన్న అభ్యర్థులకు ఈ కీలక సమయంలో ఉపయోగపడే టిప్స్​ అందిస్తున్నాం.. ఇందులో ప్రతి పాయింట్​ ఇంపార్టెంట్​ కాబట్టి చివరి వరకు చదవండి..

Advertisement
  • సైకాలజీలో గతంలో నిర్వహించిన టెట్​ ప్రశ్నలను పరిశీలించినట్టయితే.. లెక్కలకు సంబంధించి ఒక బిట్​ తప్పనిసరిగా అడుగుతున్నారు. తెలుగు అకాడమీ రూపొందించిన బీఈడీ, డీఈడీ పుస్తకాల్లో మొత్తం 4 రకాల లెక్కలు మాత్రమే ఉన్నాయి. అవి
  1. పొదుపు గణన
  2. ప్రజ్ఞాలబ్ది
  3. మానసిక వయస్సు
  4. గుర్తింపు గణన

    పైన ఇచ్చిన లెక్కల సూత్రాలను గుర్తుంచుకుంటే చాలు సైకాలజీలో ఒక మార్కు సాధించినట్టే.. గతంలో నిర్వహించిన టెట్​లన్నింటిలోనూ లెక్కలకు సంబంధించి ప్రశ్న తప్పనిసరిగా అడిగారు.
  • గ్రంథాలు–రచయితలకు సంబంధించిన ప్రశ్నను తప్పనిసరిగా అడుతున్నారు. సైకాలజీ పుస్తకాన్ని పరిశీలిస్తే.. లేదా పలు పబ్లికేషన్లు ప్రచురించిన పుస్తకాల్లో సైకాలజీ శాస్త్రవేత్తలు–వారి రచనలు ప్రచురించారు. వాటిని బట్టి పట్టడం లేదా కోడ్​ రూపకంగా గుర్తుపెట్టుకుంటే ఒక మార్కు మన ఖాతాల్లో ఉన్నట్టే..
  • సైకాలజీ శాస్త్రవేత్తలు విద్యా మనోవిజ్ఞాన శాస్త్రం సంబంధించి ఇచ్చిన నిర్వచనాలను గుర్తుంచుకోవాలి. అన్ని గుర్తుపెట్టుకోవడం కష్టమే అయినా.. ఏదైనా కోడ్​ పదాలను ఆధారంగా షార్ట్​కట్​ మెథడ్​లో నేర్చుకోవడం ఉత్తమం.
  • సైకాలజీ టెర్మినాలజీ పై ప్రశ్న అడుగుతున్నారు. పదాలు అవి ఏ భాషలో ఉన్నాయి.. ఏ భాష నుంచి ఉద్భవించాయి అని తెలుసుకోవాలి. సైకాలజీ పుస్తకాల్లో ఇలాంటివి దాదాపు 20 పదాల వరకు ఉన్నాయి. వాటిని గుర్తుపెట్టుకుంటే సరిపోతుంది.

  • మానవ వికాస సూత్రాలు సైకాలజీలో 9 ఉన్నాయి. వాటిల్లో ఏదైనా ఒకదాని నుంచి గతంలో అడిగారు. వీటిపై దృష్టిపెడితే ప్రశ్న వచ్చే అవకాశం ఉంది.
  • పియాజే సిద్ధాంతం నుంచి కూడా ప్రశ్నలు వచ్చే అవకాశం ఉంది. ఇందులో స్కీమా, ప్రచాలకం, సాంశీకరణం, అనువంశీకత సంబంధించి అప్లికేషన్​ టైప్​ ప్రశ్నలు లేదా.. ఇంద్రియా చాలకదశ, పూర్వ ప్రచాలక దశ, మూర్త ప్రచాలకదశ, అమూర్త ప్రచాలకదశ గురించి సమగ్రంగా చదువుకుంటే.. ఒక మార్కు సాధించినట్టే..
  • కోల్​బర్గ్​ బర్గ్​ నైతిక వికాస సిద్ధాంతంలో మూడు స్థాయిలు,ఆరు దశల నుంచి అప్లికేషన్​ టైప్​లో ప్రశ్న అడిగే అవకాశం ఉంది. దీనికి ఒక గంట సమయం కేటాయిస్తే సరిపోతుంది.
  • చోమ్​స్కీ సిద్ధాంతం నుంచి కూడా తరుచుగా ప్రశ్నలు అడుగుతున్నారు. ఈయన వివరించిన సిద్ధాంతం తెలుగు మెథడాలజీ, ఇంగ్లీష్ మెథాడాలజీలో కూడా వస్తుంది.
    కాబట్టి ఈ టాపిక్​ను చదివితే రెండు రకాలుగా ఉపయోగం ఉంటుంది.
  • ఎరిక్​ ఎరిక్​సన్​ సిద్ధాంతం నుంచి తప్పనిసరి ప్రశ్న వస్తుంది. దీనీనే మనోసాంఘీక వికాస సిద్ధాంతం అని కూడా అంటారు. ఇందులో మొత్తం 8 దశలున్నాయి. అవి ఏ ఏ వయసుకు సంబంధించినవి?.. ఆయా దశల్లో పిల్లవాని ప్రవర్తనలో కలిగే మార్పులు ఏవి? వాటి వల్ల ఏర్పడే క్లిష్ట పరిస్థితులను పూర్తిగా అధ్యయనం చేస్తే ఒక మార్కు సాధించినట్టే..
  • వ్యక్తంతర బేధాలు, వ్యక్తంర్గతబేధాలు టాపిక్​ నుంచి కూడా తరుచుగా బిట్​ అడుగుతున్నారు. ఇది చాలా సింపుల్​ టాపిక్​ ఒక ఐదు నిమిషాల్లో అర్ధమవుతుంది. వీటికి సంబంధించి మోడల్​ ప్రశ్నలు ప్రాక్టీస్​ చేస్తే మార్కు సాధించినట్టే..

  • ప్రజ్ఞా పరీక్షలకు సంబంధించి క్వశ్చన్​ లేకుండా ఇప్పటి వరకు పేపర్​ లేదు. కాబట్టి ఇది చాలా ఇంపార్టెంట్​ టాపిక్​. వీటిని ఒక 30 నిమిషాల్లో చదివి గుర్తుంచుకోవచ్చు.
  • సహజ సామర్థ్యాలకు సంబంధించి నిర్వచనాలు లేదా DAT, GAT శాబ్దిక, నిష్పాదన సామర్థ్య పరీక్షలకు సంబంధించి ప్రశ్న అడిగే అవకాశం ఉంది.
  • మానవ వికాసం పెరుగుదలలో మానవ గ్రంథి వ్యవస్థ పనితీరు సంబంధించి, ఏఏ అంశాలపై ఏ ఏ గ్రంథులు ప్రభావం చూపిస్తాయనే అంశాలు చదువుకుంటే తప్పనిసరి ప్రశ్న అడిగే అవకాశం ఉంది.
  • సంఘర్షణలు–రకాలు, రక్షక తంత్రాలు సంబంధించి తప్పనిసరి ప్రశ్న అడిగే అవకాశం ఉంది. వీటిని కూడా కేవలం 15 నిమిషాల్లోనే చదువుకుని అర్థం చేసుకోవచ్చు. వీటిపై అప్లికేషన్​ టైప్​ ప్రశ్నలు వస్తాయి. వీటిని సంబంధించి చాలా రకాల మోడల్​ ప్రశ్నలు ఉన్నాయి. వాటికి ప్రాక్టీస్​ చేస్తే సరిపోతుంది.
  • అభ్యసన బదలాయింపు సంబంధించి ప్రశ్నలో బదలాయింపు రకాలు అడుగుతున్నారు. ఇది కూడా అప్లికేషన్​ టైప్​ ప్రశ్న వస్తుంది. మోడల్​ ప్రశ్నలు ప్రాక్టీస్​ చేయాల్సి ఉంటుంది. ఇది ఈజీ టాపిక్​.
  • శాస్త్రీయ నిబంధనం, కార్యసాధక నిబంధనం, యత్నదోష అభ్యసనం, అంతర్​దృష్టి అభ్యసనం, పరిశీలనాత్మక అభ్యసనం, సాంఘీక సాంస్కృతిక అభ్యసనం సిద్ధాంతాలకు సంబంధించి శాస్త్రవేత్తలు, వారి గ్రంథాలు, సిద్ధాంతాల నుంచి వచ్చిన నియమాలు అర్ధం చేసుకుంటే ఏ విధమైన ప్రశ్న వచ్చిన జవాబు గుర్తించే అవకాశం ఉంటుంది. వీటి నుంచి దాదాపు 3–4 ప్రశ్నలు తప్పనిసరిగా వస్తాయి.

Advertisement
  • చివరగా స్మృతి–విస్మృతి నుంచి తప్పనిసరి ప్రశ్న వస్తుంది. వీటిల్లో స్మృతి రకాలు, పొదుపు గణన, ఎబ్బింగ్​హాస్​ పట్టిక. స్మృతి కారకాలు, అవరోధాలు అంశాలను చదివితే మార్కుసాధించవచ్చు.
  • వీటితో పాటు పెడగాగిలోని అంశాలు విద్యాహక్కు చట్టం–2009, ఎన్​సీఎఫ్​–2005, నిరంతర సమగ్ర మూల్యాంకనం, సమ్మిళిత విద్య, మూర్తిమత్వం, మార్గదర్శకత్వం, బోధన దశలు ఒకసారి చదువుకుంటే పెడగాగి నుంచి ఆరు మార్కులకు గాను 5 మార్కులు తప్పనిసరి సాధించే అవకాశం ఉంది.

ఈ చివరి సమయంలో పై అంశాలను అభ్యర్థులు చదువుకుంటూ ఒక సారి రివిజన్​ చేసుకుంటే 25 మార్కులు సాధించవచ్చు. వీటన్నిటికి 20 నుంచి 30 గంటల సమయం సరిపోతుంది. ప్రతి రోజు రెండు నుంచి మూడు గంటలు సైకాలజీకి కేటాయించుకుంటే మీరు భారంగా ఫీలవుతున్న సైకాలజీ సబ్జెక్ట్​ పది రోజుల్లోనే పూర్తి చేయవచ్చు.

PRACTICE TESTS FOR ALL EXAMS

RELATED POSTS

DAILY TESTS

TELANGANA HISTORY CULTURE

GENERAL SCIENCE

CURRENT AFFAIRS

REASONING

INDIAN GEOGRAPHY

13 COMMENTS

LEAVE A REPLY

Please enter your comment!
Please enter your name here

RECENT POSTS

x
error: Content is protected !!