పోలీస్​ నోటిఫికేషన్​లో కొత్త మార్పులు.. అభ్యర్థులు తప్పక తెలుసుకోవాల్సిందే..

టీఎస్​ఎల్​పీఆర్​బీ విడుదల చేసిన భారీ రిక్రూట్​మెంట్​ నోటిఫికేషన్​లో కొత్త మార్పులు చోటు చేసుకున్నాయి. గతంలో లేని విధంగా.. ఈసారి ఎస్​ఐ, కానిస్టేబుల్​ రిక్రూట్​మెంట్​ ప్రిలిమ్స్​లో 1/5 నెగెటివ్​ మార్కులు ఉంటాయి. ఈవెంట్స్ లోనూ మార్పులు చేశారు. ఇప్పటివరకు పురుషులకు 800 మీటర్లు ఉండగా ఇప్పుడు దాన్ని 1600 మీటర్స్​ చేశారు. మహిళలకు గతంలో 100 మీటర్లు ఉండగా ఇప్పుడు అది 800 మీటర్లకు పెంచారు.

ఎస్సై పోస్టులు: మొత్తం ఖాళీలు– 587. సివిల్​– 414, ఏఆర్​–66, సీపీఎల్​– 5, టీఎస్​ఎస్​పీ–23, స్పెషల్​ ప్రొటెక్షన్​ ఫోర్స్​–12, డిజాస్టర్​ రెస్పాన్స్​–26, డిప్యూటీ జైలర్​–8, ఐటీ–22, పోలీస్​ ట్రాన్స్​పోర్ట్​– 3. ఫింగర్​ ప్రింట్​– 8.

కానిస్టేబుల్​: మొత్తం ఖాళీలు– 16027. సివిల్​– 4965, ఏఆర్​–4423, టీఎస్​ఎస్​పీ–5010, ఫైర్​మెన్​–610, సీపీఎల్​–100, డ్రైవర్​– 100, స్పెషల్​ పోలీస్​ ఫోర్స్​–390, ఐటీ–262, వార్డన్​ (జైళ్లు)–136 (పురుషులు), 10 (మహిళలు), మెకానిక్​–21.

దరఖాస్తులు: ఆన్​లైన్​లో అప్లై చేసుకోవాలి. మే2వ తేదీ నుంచి మే 20 వరకు దరఖాస్తుల చేసుకోవాలి.

అప్లికేషన్​ ఫీజు: జనరల్ అభ్యర్థులకు రూ.1000, ఎస్సీ, ఎస్టీ క్యాండిడేట్స్​ రూ.500 చెల్లించాలి.

ప్రిలిమ్స్​: 200 మార్కులకు ప్రిలిమ్స్​ పరీక్ష నిర్వహిస్తారు. అన్ని కేటగిరీల అభ్యర్థులు 30శాతం (60 మార్కులు) సాధిస్తే ఈవెంట్స్​ కు క్వాలిఫై అవుతారు. క్వశ్చన్​ పేపర్​ ఇంగ్లిష్, తెలుగు, ఉర్దూ మీడియంలో ఉంటుంది. ప్రతి తప్పు సమాధానానికి నెగెటివ్​ మార్కింగ్​ ( 20% లేదా 1/5 ) ఉంటుంది.

ఈవెంట్స్​

ఇంతకుముందు పురుష అభ్యర్థులకు ఐదు ఈవెంట్స్ (800మీ, 100మీ, లాంగ్​జంప్​, హైజంప్​, షార్ట్​ పుట్​​) ఉండగా, ఇప్పుడు మూడు ఈవెంట్స్​ (1600మీ, లాంగ్​జంప్​, షార్ట్​పుట్​) మాత్రమే ఉన్నాయి.

ఈవెంట్​ పురుషులు ఎక్స్​ సర్వీస్​మెన్​ మహిళలు

1600 మీటర్లు 7 నిమిషాల 15 సెకండ్లు 9 నిమిషాల 30 సెకండ్స్ –​

800 మీటర్లు – – 8నిమిషాల 20 సెకండ్లు

లాంగ్​ జంప్​ 4 మీటర్లు 3.50 మీటర్లు 2.50 మీటర్లు

షార్ట్​ పుట్​
(7.26కేజీ మెన్​, 4కేజీ ఉమెన్​) 6 మీటర్లు 6 మీటర్లు 4మీటర్లు

మెయిన్స్​
– కానిస్టేబుల్‌ మెయిన్స్​లో 200 ప్రశ్నలకు 200 మార్కులు ఉంటాయి. సమయం 3 గంటలు. ప్రిలిమినరీలో వచ్చిన అంశాల నుంచే ఫైనల్‌ రాతపరీక్షలోనూ ప్రశ్నలు వస్తాయి. ప్రిలిమ్స్​, మెయిన్స్​కు ఒకటే సిలబస్​ ఉంటుంది.
– సబ్‌ఇన్‌స్పెక్టర్‌ మెయిన్స్​లో నాలుగు పేపర్లుంటాయి. మొదటి రెండు పేపర్లు ఇంగ్లిష్‌, తెలుగు/ఉర్దూ ఉంటాయి. ఇవి కేవలం క్వాలిఫయింగ్‌ పరీక్షలే. ఉద్యోగ నిర్వహణలో తెలుగు రాయడంలో ఉన్న ఇబ్బందుల దృష్ట్యా ఈ పరీక్ష నిర్వహిస్తున్నారు. మిగిలిన రెండు పేపర్లు అర్థమెటిక్‌ అండ్‌ రీజనింగ్‌, జనరల్‌స్టడీస్‌, చివరి రెండు పేపర్లు, ఈవెంట్స్​లో వచ్చిన మార్కుల ఆధారంగా పోస్టులు కేటాయిస్తారు. అన్ని కేటగిరీల అభ్యర్థులకు 40% క్వాలిఫైయింగ్​ మార్కులు ఉంటాయి.

సబ్జెక్ట్​  మార్కులు

పేపర్​1 ఇంగ్లిష్​ 100
పేపర్​2 తెలుగు(ఉర్దూ) 100
పేపర్​3 అర్థమెటిక్​ అండ్ రీజనింగ్​ 200
పేపర్​4 జనరల్ స్టడీస్​ 200