నిరుద్యోగులకు కేంద్ర విద్యాశాఖ అదిరిపోయే శుభవార్త చెప్పింది. దేశవ్యాప్తంగా ఉన్న ఏకలవ్య ఆదర్శ పాఠశాలల్లో 38 వేలకు పైగా టీచింగ్, నాన్ టీచింగ్ ఉద్యోగాల భర్తీకి శ్రీకారం చుట్టింది. ఈ మేరకు కేంద్ర విద్యాశాఖ సోమవారం నోటిఫికేషన్ విడుదల చేసింది. నేషనల్ ఎడ్యుకేషనల్ సొసైటీ ఫర్ ట్రైబల్ స్టూడెంట్స్ (NESTS) నుంచి ఈ నోటిఫికేషన్ విడుదలైంది. మొత్తం ఖాళీలు 38 వేలకు పైగా ఉండగా వేర్వేరు విభాగాల్లో ఈ ఖాళీలు ఉన్నాయి. అయితే.. నియామక విధానం, ముఖ్యమైన తేదీల వివరాలను త్వరలో వెల్లడించనున్నట్లు నోటిఫికేషన్లో పేర్కొన్నారు.
అధికారిక వెబ్ సైట్: https://tribal.nic.in/
విభాగాల వారీగా ఖాళీలు
ప్రిన్సిపల్ పోస్టులు: 740
వైస్ ప్రిన్సిపల్ పోస్టులు: 740
పోస్టు గ్రాడ్యుయేట్ టీచర్ (PGT) పోస్టులు: 8,880
ట్రైన్డ్ గ్రాడ్యుయేట్ టీచర్ (TGT) పోస్టులు: 8,840
ఆర్ట్ టీచర్ పోస్టులు: 740
మ్యూజిక్ టీచర్ పోస్టులు: 740
ఫిజికల్ ఎడ్యుకేషన్ టీచర్ (PET) పోస్టులు: 1,480
లైబ్రేరియన్ పోస్టులు: 740
కౌన్సెలర్ పోస్టులు: 740
స్టాఫ్ నర్సు పోస్టులు: 740
హాస్టల్ వార్డెన్ పోస్టులు: 1,480
అకౌంటెంట్ పోస్టులు: 740
సీనియర్ సెక్రటేరియట్ అసిస్టెంట్ పోస్టులు: 740
జూనియర్ సెక్రటేరియట్ అసిస్టెంట్ పోస్టులు: 1480
క్యాటరింగ్ అసిస్టెంట్ పోస్టులు: 740
డ్రైవర్ పోస్టులు: 740
ఎలక్ట్రీషియన్, ప్లంబర్ పోస్టులు: 740
ల్యాబ్ అటెండెంట్ పోస్టులు: 740
గార్డెనర్ పోస్టులు: 740
కుక్ పోస్టులు: 470
మెస్ హెల్పర్ పోస్టులు: 1480
చౌకీదార్ పోస్టులు: 1480
స్వీపర్ పోస్టులు: 2,220
విద్యార్హతలు:
వేర్వేరు పోస్టులకు వేర్వేరు విద్యార్హతలను నిర్ణయించారు. పోస్టుల ఆధారంగా టెన్త్, ఇంటర్, సంబంధిత స్పెషలైజేషన్లో మాస్టర్స్ డిగ్రీతోపాటు బీఈడీలో ఉత్తీర్ణత వారు దరఖాస్తుకు అర్హులని నోటిఫికేషన్లో స్పష్టం చేశారు. ఇంకా.. అభ్యర్థులకు ఇంగ్లిష్/హిందీ/ప్రాంతీయ భాషలో నైపుణ్యం ఉండాలని పేర్కొన్నారు. ఇంకా.. వయోపరిమితి విషయానికి వస్తే.. దరఖాస్తుదారుల వయస్సు 30 నుంచి 50 ఏళ్ల మధ్య ఉండాలి. వివిధ వర్గాల వారికి వయో పరిమితిలో సడలింపు ఉంటుంది. ఆ వివరాలను నోటిఫికేషన్లో చూడొచ్చు.
వేతనం: ఈ ఉద్యోగాలకు ఎంపికైన వారికి నెలకు రూ.18,000-రూ.2,09,200 వరకు వేతనం ఉంటుంది.