టెట్​(టీచర్​ ఎలిజిబులిటీ టెస్ట్​) TSTET అప్లికేషన్ల ప్రక్రియ ఇప్పటికే మొదలైంది. ఆగస్ట్ 16వ తేదీ వరకు అప్లికేషన్లకు తుది గడువు ఉంది. తుది గడువు వరకు వెయిట్​ చేయకుండా అభ్యర్థులు వెంటనే అప్లికేషన్లు నమోదు చేసుకోవాలి. అభ్యర్థులు త్వరపడకపోతే.. అప్లై చేయకుండా ఆలస్యం చేస్తే ఇబ్బందులు ఎదురవుతాయి. ప్రధానంగా మీరు ఎంచుకున్న సెంటర్లలో పరీక్ష రాసే అవకాశం చేజారే ప్రమాదముంటుంది. అందుకే అభ్యర్థులు వీలైనంత తొందరగా టెట్​ అప్లికేషన్లు నమోదు చేసుకోవటం బెటర్​.

లేట్​గా అప్లై చేస్తే మీ సొంత జిల్లాలో సెంటర్లు నిండిపోయి పక్క జిల్లాలు లేదా హైదరాబాద్​లో సెంటర్​ కేటాయించే అవకాశం ఉంటుంది. కాబట్టి అభ్యర్థులు వీలైనంత త్వరగా అప్లై చేయడం మేలని గత ఏడాది టెట్​ రాసిన అభ్యర్థులు తమకున్న అనుభవాలను గుర్తు చేసుకుంటున్నారు. కొన్నిసార్లు చివరి సమయంలో టెక్నికల్​ సమస్యలు తలెత్తి వెబ్​సైట్​ ఓపెన్​ కాకపోవచ్చు. అభ్యర్థులు అప్లికేషన్ నింపే విషయంలో ఏమైనా సందేహాలుంటే టెక్నికల్ సమస్యలు ఉంటే.. 040-23120340, 040- 23120433 నంబర్లను సంప్రదించవచ్చు.

అప్లికేషన్​ ప్రాసెస్​

అభ్యర్థులు https://tstet.cgg.gov.in వెబ్ సైట్లోకి వెళ్లి ముందుగా ఫీజు చెల్లించి తర్వాత అప్లికేషన్​లో వివరాలు నమోదు చేయాల్సి ఉంటుంది. ఇందుకోసం అభ్యర్థులు లేటెస్ట్ ఫొటో గ్రాఫ్ స్కానింగ్ ఇమేజ్, సిగ్నేచర్ స్కాన్ కాపీని సిద్ధంగా ఉంచుకోవాలి. ముఖ్యంగా మీరు ఫోన్​ నంబర్​ ఎవరిదో కాకుండా మీకు అందుబాటులో ఉండేది ఎంట్రీ చేస్తే టెట్​ సంబంధించి మెసేజ్​లను ఎప్పటికప్పుడు రిసీవ్​ చేసుకోవచ్చు. ఎలాంటి తప్పులు లేకుండా వివరాలు నమోదు చేస్తే ప్రిపరేషన్​ టైమ్​లో ఎలాంటి ఆందోళన ఉండదు. టెన్త్ మెమోలో ఉన్న విధంగా పేరు, ఇతర వివరాలు అప్​లోడ్​ చేయాలి.

Step 1: అభ్యర్థులు మొదటగా http://tstet.cgg.gov.in/ ఓపెన్​ చేసి పేపర్​–1 లేదా పేపర్​–2 ఎవరైనా రూ. 400 అప్లికేషన్ ఫీజును చెల్లించాల్సి ఉంటుంది.

Step 2: ఫీజు చెల్లించేందుకు అభ్యర్థి పేరు, పుట్టినతేది, మొబైల్​ నం. , తెలంగాణ రాష్ట్రానికి చెందినవారా కాదా? అనేది ఎంట్రీ చేసి సబ్మిట్​ చేస్తే బిల్​డెస్క్​ ఓపెన్​ అవుతుంది. తర్వాత, డెబిట్​, క్రెడిట్​,నెట్​బ్యాంకింగ్​ ద్వారా ఫీజు చెల్లించవచ్చు.

Step3: ఫీజు చెల్లించిన అనంతరం అభ్యర్థులకు జర్నల్ నంబర్ కేటాయించబడుతుంది. ఈ నంబర్ ను అప్లికేషన్ ఫామ్ నింపడానికి తప్పనిసరిగా నమోదు చేయాల్సి ఉంటుంది.

Step 4: ఫీజు చెల్లింపు సంబంధించిన జర్నల్​ నంబర్​ , పుట్టిన తేది, ఫీజు చెల్లించిన తేది వివరాలు నమోదు చేసిన తర్వాత అప్లికేషన్​ ఫాం ఓపెన్​ అవుతుంది.

Step 5: అప్లికేషన్​ ఫారం ఓపెన్​ అయిన తర్వాత అభ్యర్థి పూర్తి వివరాలు నమోదు చేయాలి. .

Step 6: తర్వాత Save&Next ఆప్షన్ పై క్లిక్ చేయాలి.

Step 7: తర్వాత Paper and Qualification విభాగంలో కావాల్సిన అన్ని వివరాలను నమోదు చేయాలి. తర్వాత Save & Next ఆప్షన్ పై క్లిక్ చేయాలి.

Step 8: అనంతరం టెన్త్​ క్లాస్​, ప్రీవియస్​ టెట్​ డీటెయిల్స్​ ఎంట్రీ చేయాలి.

Step 9: తర్వాత “Save & Preview” ఆప్షన్ పై క్లిక్ చేయాలి.

Step 10: ప్రివ్యూలో వివరాలను సరిచూసుకుని సబ్మిట్ ఆప్షన్ పై క్లిక్ చేయాలి.

Step 11: తర్వాత క్యాండిడేట్​ ఐడీ జనరేట్ అవుతుంది. ఈ ఐడీ మీ రిజిస్టర్డ్ నంబర్ కు SMS ద్వారా వస్తుంది.

Step 12: అనంతరం అప్లికేషన్ ఫామ్ ప్రింట్ కాపీని అభ్యర్థి ఎగ్జామ్​ రాసి రిజల్ట్​ వచ్చేంత వరకు భద్రపరుచుకోవాలి.