సీబీఎస్ఈ టెన్త్ రిజల్ట్స్ రిలీజయ్యాయి. సెంట్రల్ బోర్డు ఆఫ్ సెకండరీ ఎడ్యుకేషన్ (సీ బీ ఎస్ ఈ) 2020-21 విద్యా సంవత్సరానికి సంబంధించిన పదవ తరగతి ఫలితాలని విడుదల చేసింది.
తెలంగాణ రాష్ట్రంలో మొత్తం 99.99శాతం మంది స్టూడెంట్లు పాస్ అయ్యారు. కేవలం ఇద్దరు విద్యార్థులు మాత్రమే ఫెయిల్ అయ్యారు. గతంలో రిలీజ్ చేసిన షెడ్యూల్ ప్రకారం మే 4 నుంచి జూన్ 7 వరకూ టెన్త్ ఎగ్జామ్స్ జరగాల్సి ఉంది. కానీ కరోనా తీవ్రత తగ్గకపోవడంతో కేంద్ర ప్రభుత్వం పరీక్షలను రద్దు చేసి, ఇంటర్నల్ అసెస్మెంట్ ద్వారా ప్రమోట్ చేసింది. రాష్ట్రంలో మొత్తం 31,607 మంది ఉండగా, వారిలో 31,605 మంది పాసైనట్టు సీబీఎస్ఈ బోర్డు ప్రకటించింది.
ఫలితాలని సీ బీ ఎస్ ఈ వెబ్ సైట్ లో చూసుకోవచ్చు. విద్యార్థులు తమ రోల్ నంబర్ తదితర వివరాల ద్వారా వెబ్ సైట్ నుంచి ఫలితాలు డౌన్ లోడ్ చేసుకోవచ్చు.
ఫలితాల లింక్ https://josaa.nic.in/class10/class10th21.htm
