బెంగుళూరు మెట్రో రైల్​ లో 236 పోస్టుల భర్తీకి నోటిఫికేషన్​ వెలువడింది. స్టేషన్ కంట్రోలర్/ ట్రైన్ ఆపరేటర్, సెక్షన్ ఇంజనీర్, మెయింటెయినర్ పోస్టుల భర్తీకి ఈ రిక్రూట్​మెంట్​ (BMRCL Recruitment 2023) చేపడుతోంది. అభ్యర్థులు సంబంధిత విభాగాల్లో డిగ్రీ పాసై ఉండాలి. గుర్తింపు పొందిన విశ్వ విద్యాలయం / సంస్థ నుండి ఐటీఐ, డిప్లొమా, బీఈ/బీటెక్ ఉత్తీర్ణులైన వారు అర్హులు. అర్హులైన అభ్యర్థుల నుంచి ఆన్​లైన్​లో అప్లికేషన్లను ఆహ్వానిస్తోంది. ఏప్రిల్​ 24వ తేదీలోగా అభ్యర్థులు అప్లై చేసుకోవాలని తుది గడువు విధించింది. భారత ప్రభుత్వ రంగం, కర్ణాటక రాష్ట్ర ప్రభుత్వ సంయుక్త ఆధ్వర్యంలోని బెంగళూరు మెట్రో రైల్‌ కార్పొరేషన్‌ లిమిటెడ్‌ (బీఎంఆర్‌సీఎల్‌) ఈ ప్రకటన విడుదల చేసింది.