తెలంగాణ ఉద్యోగ నియామకాలకు సంబంధించి మరో నోటిఫికేషన్​ వెలువడింది. డిస్కంల పరిధిలో అసిస్టెంట్​ ఇంజనీర్ల పోస్టుల రిక్రూట్​మెంట్​ ప్రకటన విడుదలైంది. టీఎస్ఎన్పిడిసిఎల్ పరిధిలో 82 అసిస్టెంట్ ఇంజనీర్లు(ఎలక్ట్రికల్) పోస్టులను భర్తీ చేసేందుకు శనివారం నోటిఫికేషన్ రిలీజైంది. సంబంధిత విభాగంలో ఇంజనీరింగ్ (ఎలక్ట్రికల్​ ఇంజనీరింగ్​ / ఎలక్ట్రికల్​ అండ్​ ఎలక్ట్రానికి ఇంజనీరింగ్​ ​ డిగ్రీ ఉత్తీర్ణులైన అభ్యర్థులు ఈ పోస్టులకు అర్హులు. జూన్ 27 నుండి దరఖాస్తుల స్వీకరించనున్నట్లు డిస్కం ప్రకటన విడుదల చేసింది. దరఖాస్తుల స్వీకరణ కు చివరి తేదీ జూలై 11. ఆగస్ట్ 14న పరీక్ష నిర్వహించనుంది. ఉదయం 10.30 నుండి 12.30 గంటల వరకు పరీక్ష జరుగుతుంది.