త్వరలో వివిధ ఉద్యోగ నోటిఫికేషన్లు రానున్నాయని తెలంగాణ పబ్లిక్ సర్వీస్ కమిషన్ (టీఎస్పీఎస్సీ) వెల్లడించింది. అభ్యర్థులు వన్ టైమ్ రిజిస్ట్రేషన్ (ఓటీఆర్) తప్పనిసరిగా చేసుకోవాలని సూచించింది. ఓటీఆర్ ఐడీ ద్వారా నిమిషాల్లో అప్లై చేసుకోవచ్చని అధికారులు వెల్లడించారు. కొత్త జిల్లాలకు అనుగుణంగా ఓటీఆర్లో మార్పులు చేసుకోవాలని తెలిపారు. ఒకటి నుంచి ఏడో తరగతి వరకు విద్యార్హతలు నమోదు చేయాలని సూచించారు.
రిజిస్ట్రేషన్ ప్రాసెస్
టీఎస్పీఎస్సీ వెబ్సైట్లో ‘న్యూ రిజిస్ట్రేషన్’పై క్లిక్ చేయాలి. మొబైల్ నెంబర్ ఇవ్వాలి. ఇచ్చిన నంబరుకు ఓటీపీ వస్తుంది. దీన్ని ఎంటర్ చేయాలి.
అప్లికేషన్ఫామ్లో వ్యక్తిగత సమాచారం, అడ్రస్, ఈ-మెయిల్ ఐడీ, 1 నుంచి- 7వ తరగతి వరకు 33 జిల్లాల ప్రాతిపదికన వివరాలు, విద్యార్హతలు ఇవ్వాలి.
అభ్యర్థి ఫొటో, సంతకం అప్లోడ్ చేయాలి. ఈ వివరాలన్నీ సబ్మిట్ చేసిన తరవాత టీఎస్పీఎస్సీ ఐడీ వస్తుంది. దీంతో పాటు జనరేట్ అయ్యే పీడీఎఫ్ కాపీ డౌన్లోడ్ చేసుకోవాలి.
సబ్మిట్ కన్నా ముందుగానే ‘లాగ్అవుట్’ అయితే మళ్లీ మొదటి నుంచి చేయాలి.
ఓటీఆర్ ఎడిట్ చేయండిలా..
వెబ్సైట్లో ఎడిట్ ఓటీఆర్పై క్లిక్ చేయాలి. టీఎస్పీఎస్సీ ఐడీ, పుట్టినతేదీ వివరాలు నమోదు చేసిన తరువాత ఫోన్ నంబరుకు ఓటీపీ వస్తుంది. దాన్ని ఎంటర్ చేయాలి.
ఎడిట్ చేయాల్సిన వివరాలు సవరించడంతో పాటు 1 నుంచి – 7వ తరగతి వరకు 33 జిల్లాల ప్రాతిపదికన వివరాలు, విద్యార్హతలు ఇవ్వాలి. అభ్యర్థి ఫొటో, సంతకం అప్లోడ్ చేయాలి. ఈ వివరాలన్నీ నమోదు చేసి సబ్మిట్ చేసిన తరువాత కొత్త ఓటీఆర్ పీడీఎఫ్ కాపీ జనరేట్ అవుతుంది.