గురుకుల విద్యాసంస్థలో 9210 పోస్టుల భర్తీకి నిర్వహించిన పరీక్షల అఫిషియల్​ కీ లను టీఆర్​ఈఐఆర్​బీ (TREIRB) విడుదల చేసింది. ఈ నెల 1 నుంచి 23 వరకు నిర్వహించిన పరీక్షలు ప్రశాంతంగా పూర్తి అయ్యాయని బోర్డ్ కన్వీనర్ డాక్టర్ మల్లయ్య బట్టు ప్రకటన విడుదల చేసింది. కంప్యూటర్ బేస్డ్ టెస్ట్ (CBT) విధానంలో నిర్వహించిన పరీక్షలకు మొత్తం 75.68 శాతం మంది అభ్యర్థులు హాజరయ్యారు. ఈ పరీక్షలకు సంబంధించిన కీతో కూడిన మాస్టర్ ప్రశ్న పత్రాలను అఫిషియల్​ వెబ్‌సైట్‌లో అందుబాటులో ఉంచారు.

అభ్యర్థులు తన  లాగిన్ ద్వారా సమాధాన పత్రం డౌన్​లోడ్​ చేసుకునే వీలుంది. ఆన్సర్​ కీ లకు సంబందించి అభ్యంతరాలుంటే 23వ తేదీ వరకు తెలియజేయాలని కోరారు. వివిధ రెసిడెన్షియల్​ విద్యా సంస్థల్లో 9210 పోస్టుల భర్తీకి 9 నోటిఫికేషన్‌లు జారీ చేశారు. వీటికి సంబంధించిన ‘కీ’లపై ఏమైనా అభ్యంతరాలు ఉంటే ఈనెల 26వ తేదీలోగా లాగిన్ ఐడి ద్వారా తెలియజేయాలి. ఈ మెయిల్, పిటిషన్లు  స్వీకరించబడవని కన్వీనర్​ స్పష్టం చేశారు.