తెలంగాణ రాష్ట్రంలోని అన్ని డిగ్రీ కళాశాలల్లో ప్రవేశాల కోసం డిగ్రీ ఆన్ లైన్ సర్వీసెస్ తెలంగాణ ( DOST)నోటిఫికేషన్ రిలీజ్ అయ్యింది. మే 6 నుంచి 25వరకు మొదటి ఫేజ్ రిజిస్ట్రేషన్ ఉంటుంది. రూ. 200 ఫీజుతో రిజిస్ట్రేషన్ కు అవకాశం కల్పించింది. మే 15 నుంచి 27 వరకు దోస్త్ వెబ్ ఆప్షన్స్ ఇవ్వాలి. జూన్ 3న మొదటి దశ సీట్ల కేటాయింపు, జూన్ 4 నుంచి 10వ తేదీ లోపు సెల్ఫ్ రిపోర్టు ఛాన్స్ కల్పించారు.
రూ. 400 ఫీజుతో జూన్ 4 నుంచి 13 వరకు సెకండ్ ఫేజ్ రిజిస్ట్రేషన్ నిర్వహించనున్నారు. జూన్ 4 నుంచి 14వ తేదీ వరకు సెకండ్ ఫేజ్ వెబ్ ఆఫ్షన్స్ ఉంటాయి. జూన్ 18న రెండో దశ సీట్ల కేటాయింపు ఉంటుంది. జూన్ 19 నుంచి 24 వరకు సెల్ఫ్ రిపోర్టుకు ఛాన్స్ కల్పించారు.
జూన్ 19వ తేదీ నుంచి 25 వరకు దోస్త్ మూడో దశ రిజిస్ట్రేషన్ ఉంటుంది. రూ. 400 ఫీజుతో మూడో విడత రిజిస్ట్రేషన్ చేసుకునే కల్పించారు. జూన్ 19 నుంచి 25 వరకు మూడో దశ వెబ్ ఆప్షన్స్ ఉంటాయి. జూన్ 29న మూడో దశ సీట్ల కేటాయింపు ఉంటుంది. జులై 8 నుంచి డిగ్రీ కళాశాలల తరగతులు ప్రారంభం అవుతాయి.
