తెలంగాణలో ఎస్ఐ ఖాళీల భర్తీకి పోలీస్ రిక్రూట్మెంట్ చేపట్టిన చేపట్టిన నియామక ప్రక్రియ తుది దశకు చేరింది. ఇందుకు సంబంధించిన ఫైనల్ రాత పరీక్షను నేడు, రేపు (ఈ నెల 8, 9 తేదీల్లో) అధికారులు అన్ని ఏర్పాట్లు పూర్తి చేశారు. రోజుకు రెండు షిఫ్టుల ప్రకారం ఈ ఎగ్జామ్ ను నిర్వహించనుంది పోలీస్ రిక్రూట్మెంట్ బోర్డ్. ఆయా రోజుల్లో ఉదయం 10 గంటల నుంచి మధ్యాహ్నం 01 గంటల వరకు, మధ్యాహ్నం 2:30 నుండి సాయంత్రం 5:30 వరకు ఈ పరీక్షలు ఉంటాయి. ఈ రాత పరీక్షలను హైదరాబాద్‌, వరంగల్‌, కరీంనగర్‌లో నిర్వహిస్తున్నారు. అయితే.. ఈ రోజు హైదరాబాద్ లో ప్రధాని మోదీ పర్యటన ఉంది. దీంతో ట్రాఫిక్ ఆంక్షలు నగరంలో అమలలో ఉండనున్నాయి. ఈ నేపథ్యంలో డీజీపీ అంజనీ కుమార్ అభ్యర్థులకు పలు కీలక సూచనలు చేశారు. ఎస్ఐ అభ్యర్థులు ట్రాఫిక్ ఆంక్ష‌లను దృష్టిలో ఉంచుకుని.. 2 గంట‌ల ముందే ప‌రీక్షా కేంద్రాల‌కు చేరుకోవాల‌ని సూచించారు.

అభ్యర్థులు తప్పక గుర్తించుకోవాల్సిన నిబంధనలు..
-అభ్యర్థి యొక్క గుర్తింపును ఆయా పరీక్షా కేంద్రాల్లోని సిబ్బంది పూర్తిగా పరిశీలించిన తర్వాత మాత్రమే లోనికి అనుమతిస్తారు.
-పరీక్ష ప్రారంభం అయిన తర్వాత అభ్యర్థులను పరీక్షా హాల్లోకి అనుమతించడం జరుగదు. పరీక్ష పూర్తయ్యేంతవరకు కూడా అభ్యర్థులు పరీక్షా హాలును వదిలి వెళ్ళరాదు.
-అభ్యర్ధి ఒక నిమిషం ఆలస్యంగా వచ్చినా పరీక్షా కేంద్రంలోనికి అనుమతించరు.
-అభ్యర్థి తన హాల్ టికెట్ ను పరీక్షాకేంద్రం ప్రవేశం నందు మరియు పరీక్షహాల్లో చూపించాలి. లేనట్లయితే పరీక్షాహాల్లోకి అనుమతించబడదు.
-అభ్యర్థి ఏవైనా ఎలక్ట్రానిక్ వస్తువులు మొబైల్/ సెల్యూలర్ ఫొన్లుగాని, ట్యాబ్స్, పెన్ డ్రైవ్ లు, బ్లూటూత్ లు, వాచ్ లు, కాలిక్యులేటర్లు, లాగ్ టేబుళ్ళు, పర్స్, చార్ట్స్, విడి కాగితములు లేదా రికార్డు చేసే పరికరాలు పరీక్షా హాల్లోకి తీసుకువెళ్లకూడదు. వాటిని ఎట్టి పరిస్థితుల్లోనూ లోనికి అనుమతించరు.
-పరీక్షాహాల్లోకి తీసుకెళ్లాల్సినవి.. 1)బ్లాక్ లేదా బ్లూపాయింట్ పెన్ను 2) తుది పరీక్ష హాల్ టికెట్ 3) ఏదైనా ఒక ఒరిజనల్ ధృవపత్రం (పాస్ పోర్టు, పాన్ కార్డు, ఓటర్ గుర్తింపు కార్డు, ఆధార్ కార్డు, డ్రైవింగ్ లైసెన్స్ మొదలగునవి)

-అభ్యర్ధులు పరీక్షా హాల్లోకి నిర్ణీత సమయానికి ఒకగంట ముందుగా చేరుకోవాలి.
-పరీక్షరాసే ముందు అభ్యర్థి OMR షీట్ పై ఉన్న సూచనలను పూర్తిగా చదువుకోవాలి.
-అభ్యర్థి OMR షీట్ పై అనవసరపు సమాచారం, గుర్తులు, మతపరమైన చిహ్నాలు, ప్రార్ధనలు లేదా గుర్తింపు చిహ్నాలు మొదలగునవి ఏవైనా రాసినచో అట్టి జవాబు పత్రాన్ని పరిగణలోకి తీసుకోవడం జరుగదు. OMR షీట్ పై చిత్తుపని చేయరాదు.

-అభ్యర్థికి బదులు మరొక అభ్యర్థి పరీక్ష రాసినట్లయితే వారి పరీక్షను రద్దు చేసి చట్టపరమైన చర్యలు తీసుకుంటారు.
-అభ్యర్థులు మెహంది, సిరా మొదలగునవి వాటిని చేతులపై గానీ, పాదాలపై గానీ రాసుకుని రాకూడదు.

-ప్రశ్నపత్రం ఇంగ్లీష్/ తెలుగు లేదా ఇంగ్లిష్/ఉర్దూ భాషలలో ఇవ్వబడును.
-OMR జవాబుపత్రంలో వృత్తములను బ్లూ లేదా బ్లాక్ పెన్ లతో మాత్రమే పూరించవలెను. వేరే ఏ ఇతర రంగు పెన్నులు, పెన్సిళ్ళు, ఇంక్/జెల్ పెన్నులు అనుమతించబడవు.

జవాబు పత్రంపై..
1) జవాబుపత్రంలో నిర్ధేశించబడిన స్థలంలోనే హాల్ టికెట్ నెంబర్ రాయాలి.
2)జవాబుపత్రంలోని ఇతర ప్రదేశాల్లో ఎక్కడా పేరు రాయకూడదు.
3)అభ్యర్థికి సంబంధించిన వివరములు ఏవీ కూడా జవాబుపత్రంలో రాయకూడదు.