రాష్ట్రంలో జూనియర్​, డిగ్రీ, పీజీ కాలేజీలు, ఇంజనీరింగ్​ కాలేజీల్లో ఖాళీగా ఉన్న లెక్చరర్ల పోస్టుల భర్తీకి ప్రభుత్వం ఆమోదం తెలిపింది. మొత్తం 2130 లెక్చరర్ల పోస్టుల డైరెక్ట్ రిక్రూట్​మెంట్​కు ఆమోదం తెలుపుతూ ఆర్థిక శాఖ ఉత్తర్వులు జారీ చేసింది. దీంతో రిక్రూట్​మెంట్​ ప్రాసెస్​ చేపట్టాలని టీఎస్​పీఎస్​సీకి అనుమతులు జారీ చేసింది. దీంతో ఆయా పోస్టుల భర్తీకి త్వరలోనే నోటిఫికేషన్​ వెలువడే అవకాశముంది. కాలేజీయేట్​ ఎడ్యుకేషన్​, కాలేజీయేట్​ ఆఫ్​ ఇంటర్​ ఎడ్యుకేషన్​, టెక్నికల్​ ఎడ్యుకేషన్​ పరిధిలోని లెక్చరర్​ పోస్టులతో పాటు లైబ్రెరియన్​, ఫిజికల్​ డైరెక్టర్ పోస్టులకు ఆమోదం తెలిపింది.​ ఆర్థిక శాఖ అమోదం తెలిపిన వాటిలో మొత్తం 95 లైబ్రేరియన్​ పోస్టులు, 157 ఫిజికల్​ డైరెక్టర్​ పోస్టులున్నాయి. ఈ​​ పోస్టులతో పాటు స్టేట్​ ఆర్కివ్స్​ డిపార్టమెంట్​లో రీసెర్చ్​ అసిస్టెంట్ తదితర పోస్టులకు అనుమతి ఇచ్చింది. దీంతో మొత్తం 2440 పోస్టుల రిక్రూట్​మెంట్​కు లైన్​ క్లియరైంది. ఈ పోస్టులన్నీ టీఎస్​పీఎస్​సీ ద్వారా భర్తీ చేయనుంది.

తాజాగా ఆర్థిక శాఖ అనుమతించిన పోస్టులు

జూనియర్​ లెక్చరర్లు 1392 
లైబ్రెరియన్​ 40, 
పీడీ 91    

డిగ్రీ, పీజీ కాలేజీ లెక్చరర్లు 491
లైబ్రెరియన్​ 24,
పీడీ 29

ఇంజనీరింగ్​ కాలేజీ లెక్చరర్లు 247 
లైబ్రెరియన్​ 31, 
పీడీ 37, 
మ్యాట్రన్లు 5