బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ సైన్స్(ఐఐఎస్సీ) 2022–23 విద్యా సంవత్సరానికి సంబంధించి పీజీ/ పీహెచ్డీ కోర్సుల్లో అడ్మిషన్స్కు అర్హులైన అభ్యర్థుల నుంచి అప్లికేషన్స్ కోరుతోంది. ఆన్లైన్లో మార్చి 22 వరకు దరఖాస్తు చేసుకోవాలి.
రీసెర్చ్‌ ప్రోగ్రామ్‌లు(పీహెచ్డీ/ఎంటెక్‌(రీసెర్చ్‌): ఆస్ట్రానమీ, ఆస్ట్రోఫిజిక్స్, బయోకెమిస్ట్రీ, ఎయిరోస్పేస్‌ ఇంజనీరింగ్, కెమికల్‌ ఇంజనీరింగ్ విభాగాల్లో అడ్మిషన్స్ ఉన్నాయి. సంబంధిత సబ్జెక్టుల్లో బీటెక్, మాస్టర్స్‌ డిగ్రీలో ఉత్తీర్ణత సాధించడంతో పాటు వాలిడ్‌ గేట్‌/నెట్‌ అర్హత ఉండాలి.
ఇంజనీరింగ్ కోర్సులు(ఎంటెక్‌/ఎండిజైన్‌/ఎంమేనేజ్‌మెంట్‌): ఈ కోర్సులకు ఎయిరోస్పేస్‌ ఇంజనీరింగ్, ఎలక్ట్రానిక్స్‌ సిస్టమ్స్‌ ఇంజనీరింగ్, బయోఇంజనీరింగ్‌ విభాగాల్లో అడ్మిషన్స్ కల్పిస్తుంది. సంబంధిత సబ్జెక్టుల్లో బ్యాచిలర్స్‌ డిగ్రీ(ఇంజనీరింగ్ /టెక్నాలజీ/డిజైన్‌/ఆర్కిటెక్చర్‌) ఉత్తీర్ణులై, వాలిడ్‌ గేట్‌/ సీడ్‌ 2022 స్కోర్‌ ఉండాలి.
సైన్స్ కోర్సులు: లైఫ్‌ సైన్సెస్, కెమికల్‌ సైన్స్ విభాగాల్లో అడ్మిషన్స్ ఖాళీగా ఉన్నాయి. అభ్యర్థులు సంబంధిత సబ్జెక్టుల్లో బ్యాచిలర్స్‌ డిగ్రీ/తత్సమాన ఉత్తీర్ణులవ్వాలి. జామ్‌ 2022/వాలిడ్‌ గేట్‌ అర్హత సాధించాలి.
ఇంటిగ్రేటెడ్‌ పీహెచ్డీ కోర్సులు: ఇందులో బయలాజికల్‌ సైన్సెస్, కెమికల్‌ సైన్సెస్,మ్యాథమేటికల్‌ సైన్సెస్, ఫిజికల్‌ సైన్సెస్ విభాగాల్లో ప్రవేశాలు ఉన్నాయి. సంబంధిత సబ్జెక్టుల్లో బీఎస్సీ/ బీఈ/ బీటెక్ ఉత్తీర్ణులవ్వాలి. జామ్‌/జస్ట్‌ 2022 అర్హత సాధించిన అభ్యర్థులు అర్హులు.
సెలెక్షన్ ప్రాసెస్: వాలిడ్‌ గేట్‌/నెట్‌/జామ్‌ అర్హత పరీక్షల ఆధారంగా అభ్యర్థుల్ని షార్ట్‌లిస్ట్‌ చేస్తారు. షార్ట్‌లిస్ట్‌ చేసిన వారిని రాతపరీక్ష/ గ్రూప్ డిస్కషన్‌/ పర్సనల్‌ ఇంటర్వ్యూ ఆధారంగా ఎంపిక చేస్తారు. దరఖాస్తులు ఆన్లైన్లో మార్చి 22వ తేదీ వరకు చేసుకోవాలి.
వెబ్‌సైట్‌: www.iisc.ac.in
