రైల్వే రిక్రూట్‌మెంట్ సెల్ (RRC) ఉత్తర రైల్వే అప్రెంటిస్ పోస్టుల భర్తీకి నోటిఫికేషన్ విడుదల చేసింది. ఆసక్తి, అర్హత గల అభ్యర్థులు RRC NR, rrcnr.org అధికారిక వెబ్‌సైట్‌ను సందర్శించడం ద్వారా ఈ పోస్ట్‌ల కోసం ఆన్‌లైన్‌లో దరఖాస్తు చేసుకోవచ్చు. రిజిస్ట్రేషన్ ప్రక్రియ డిసెంబర్ 11, 2023 నుండి ప్రారంభమవుతుంది.అయితే దరఖాస్తు ఫారమ్‌ను సమర్పించడానికి చివరి తేదీ జనవరి 01, 2024.మొత్తం 3081 పోస్టుల భర్తీకి ఈ రిక్రూట్‌మెంట్ డ్రైవ్ నిర్వహిస్తోంది.

వయో పరిమితి:
ఉత్తర రైల్వేలో అప్రెంటీస్ పోస్టులకు రిక్రూట్‌మెంట్ కోసం దరఖాస్తు చేసుకునే అభ్యర్థుల వయోపరిమితి 15 ఏళ్ల నుంచి 24 ఏళ్ల మధ్య ఉండాలి.

విద్యా అర్హత:
అభ్యర్థులు తప్పనిసరిగా SSC/మెట్రిక్యులేషన్/10వ తరగతి పరీక్ష లేదా దానికి సమానమైన (10+2 పరీక్షా విధానంలో) గుర్తింపు పొందిన బోర్డు నుండి కనీసం 50% మార్కులతో ఉత్తీర్ణులై ఉండాలి. ప్రభుత్వంచే గుర్తింపు పొందిన NCVT/SCVT ద్వారా జారీ చేసిన సంబంధిత ట్రేడ్‌లో ITI ఉత్తీర్ణులై ఉండాలి.

ఆన్‌లైన్ అప్లికేషన్ :
RRC NR రిక్రూట్‌మెంట్ కోసం ఆన్‌లైన్ దరఖాస్తు రుసుము రూ. 100. SC/ST/PWBD/మహిళా అభ్యర్థులు ఎలాంటి ఫీజు చెల్లించాల్సిన అవసరం లేదు. RRC నగదు/చెక్కు/మనీ ​​ఆర్డర్/IPO/డిమాండ్ డ్రాఫ్ట్/సెంట్రల్ రిక్రూట్‌మెంట్ ఫీజు స్టాంప్ మొదలైన వాటిలో దరఖాస్తు రుసుమును అంగీకరించదు. దరఖాస్తు రుసుమును ఆన్‌లైన్ మోడ్ ద్వారా మాత్రమే చెల్లించాలి. నార్త్ రైల్వేలో అప్రెంటిస్ పోస్టులకు రిక్రూట్‌మెంట్ కోసం మెరిట్ జాబితా ఫిబ్రవరి 12, 2024న రిలీజ్ అవుతుంది.

ఎంపిక విధానం:
మెట్రిక్యులేషన్, ఐటీఐ మార్కులు, డాక్యుమెంట్ వెరిఫికేషన్, మెడికల్ ఎగ్జామినేషన్ ను ఆధారంగా చేసుకుని ఎంపిక చేస్తారు.