బయో టెక్నాలజీ విభాగాల్లో పీజీ ప్రవేశాలు, జూనియర్ రీసెర్చ్ ఫెలోషిప్ల కోసం నిర్వహించే – గ్రాడ్యుయేట్ ఆప్టిట్యూడ్ టెస్ట్ (GAT-B), బయో టెక్నాలజీ ఎలిజిబులిటీ టెస్ట్(BET) నోటిఫికేషన్ విడుదలైంది. దీనిని నేషనల్ టెస్టింగ్ ఏజెన్సీ (NTA) నిర్వహిస్తుంది.
బయోటెక్నాలజీ ఎలిజిబులిటీ టెస్ట్ (BET)
ఈ ఎగ్జామ్ రాసేందుకు గుర్తింపు పొందిన యూనివర్సిటీ నుంచి ప్రథమ శ్రేణి మార్కులతో బీఈ/బీటెక్/ ఎంబీబీఎస్ ఉత్తీర్ణతతో పాటు బయో టెక్నాలజీ/ లైఫ్ సైన్సెస్, బయో మెడికల్/ బయో ఇన్ఫర్మాటిక్స్/బయో కెమిస్ట్రీ/బయోఫిజిక్స్/బోటనీ/కెమిస్ట్రీ/కంప్యూటేషనల్ బయాలజీ/జెనెటిక్స్/మైక్రో బయాలజీ/జువాలజీ స్పెషలైజేషన్లతో ఎమ్మెస్సీ/ఎంటెక్/ఎంవీఎస్సీ/ ఇంటిగ్రేటెడ్ ఎమ్మెస్సీ పూర్తి చేసిన వార్హులు అర్హులు. వయసు జనరల్ అభ్యర్థులు 28 ఏళ్లు, ఎస్సీ, ఎస్టీ, బీసీలు 33 ఏళ్లు మించి ఉండరాదు.
ఎలిజిబులిటీ టెస్ట్ రెండు సెక్షన్లలో మల్టీపుల్ చాయిస్ విధానంలో నిర్వహిస్తారు. మొదటి సెక్షన్లో జనరల్ సైన్స్, మేథమేటిక్స్, కెమిస్ట్రీ, జనరల్ ఆప్టిట్యూడ్, అనలిటికల్ క్వాంటిటేటివ్ ఎబిలిటీ, జనరల్ బయోటెక్నాలజీ అంశాల నుంచి 50 ప్రశ్నలు అడుగుతారు. రెండు సెక్షన్లో బయో టెక్నాలజీ అంశాల నుంచి 150 ప్రశ్నలు ఇస్తారు. వీటిలో కేవలం 50 ప్రశ్నలకు సమాధానం గుర్తిస్తే సరిపోతుంది. ఒక్కో ప్రశ్నకు మూడు మార్కులు, తప్పు జవాబుకు ఒక మార్కు కోత ఉంటుంది. పరీక్షా సమయం 3గంటలు ఉంటుంది.
గ్రాడ్యుయేట్ ఆప్టిట్యూడ్ టెస్ట్(జీఏటీ–బీ)
ఈ ఎగ్జామ్ రాసేందుకు గుర్తింపు పొందిన యూనివర్సిటీ నుంచి కనీసం 55 శాతం మార్కులతో బీఎస్సీ, బీటెక్, ఉత్తీర్ణులు అర్హులు. ఎగ్జామ్లో అర్హత సాధించిన వారు యూనివర్సిటీ ఆఫ్ హైదరాబాద్, ఉస్మానియా యూనివర్సిటీలో ఎమ్మెస్సీ బయో టెక్నాలజీ, ఎంవీఎస్సీ, యానిమల్ బయో టెక్నాలజీ కోర్సుల్లో అడ్మిషన్ పొందవచ్చు. మొత్తం 40 సీట్లు అందుబాటులో ఉన్నాయి.
జీఏటీ–బీ ఆప్టిట్యూడ్ టెస్ట్ కంప్యూటర్ బేస్డ్ విధానంలో నిర్వహిస్తారు. మల్టీపుల్ చాయిస్ విధానంలో రెండు సెక్షన్లు ఉంటాయి. మొదటి సెక్షన్లో ఫిజిక్స్, కెమిస్ట్రీ, మ్యాథ్స్, బయాలజీ సబ్జెక్టుల నుంచి ఇంటర్మీడియేట్ స్థాయిలో 60 ప్రశ్నలు, రెండో సెక్షన్లో బయాలజీ, లైఫ్ సెన్సెస్, బయో టెక్నాలజీ విభాగాల నుంచి డిగ్రీ స్థాయిలో 100 ప్రశ్నలు ఇస్తారు. వీటిలో 60 ప్రశ్నలకు సమాధానం ఇస్తే సరిపోతోంది. నెగిటీవ్ మార్కింగ్ ఉంటుంది. అర్హత పొందిన విద్యార్థులకు ప్రతి నెల స్టైఫెండ్ చెల్లిస్తారు.
ఆసక్తిగల అభ్యర్థులు ఆన్లైన్లో దరఖాస్తు చేసుకునేందుకు మార్చి 31 చివరితేది. జనరల్ అభ్యర్థులు రూ.1200, ఎస్సీ, ఎస్టీ, దివ్యాంగులు రూ.600 చెల్లించాలి. జీఏటీ–బీ, బీఈటీ పరీక్షను ఏప్రిల్ 23న నిర్వహిస్తారు. తెలుగు రాష్ట్రాల్లో హైదరాబాద్, సికింద్రాబాద్, గుంటూరు, నెల్లూరులో పరీక్షా కేంద్రాలు అందుబాటులో ఉన్నాయి.
వెబ్సైట్ : www.dbt.nta.ac.in
