ఎస్​ఐ, కానిస్టేబుల్ ఎగ్జామ్​లో​ క్వాలిఫై అయ్యారా.. ఈ సర్టిఫికెట్లు తప్పనిసరి

ఎస్​ఐ, కానిస్టేబుల్​ ఎగ్జామ్​లో క్వాలిఫై అయిన అభ్యర్థులందరూ పార్ట్ 2 అప్లికేషన్లు దరఖాస్తు చేయటం తప్పనిసరి. ఈ సందర్భంగా అభ్యర్థులు తగు జాగ్రత్తలు తీసుకోవాలి… ఏమేం సర్టిఫికెట్లు అప్​లోడ్​ చేయాలనేది కూడా అత్యంత కీలకం..

ఈనెల 27వ తేదీ ఉదయం 8 గంటల నుంచి నవంబరు 10వ తేదీ రాత్రి 10 గంటల వరకు టీఎస్‌ఎల్‌పీఆర్‌బీ (TSLPRB) వెబ్‌సైట్‌లో ఈ అప్లికేషన్లు నమోదు చేసుకోవాలి. ఎట్టి పరిస్థితుల్లోనూ ఈ గడువును పొడగించబోమని మండలి స్పష్టం చేసింది. అందుకే అభ్యర్థులు చివరి గడువు వరకు ఆలస్యం చేయకుండా తమ అప్లికేషన్లను నమోదు చేసుకోవాలి.

ఫిజికల్‌ మెజర్‌మెంట్‌ టెస్ట్‌ (పీఎంటీ) / ఫిజికల్‌ ఎఫిషియెన్సీ టెస్ట్‌ (పీఈటీ)కు హాజరు కావాలంటే క్వాలిఫై అయిన అభ్యర్థులందరూ ఆన్‌లైన్‌లో పార్ట్‌-2 దరఖాస్తులు సమర్పించాలి. ఒకటి కంటే ఎక్కువ పోస్టులకు పలువురు అర్హత సాధించిన అభ్యర్థులు కూడా ఉండటంతో.. దాదాపు 2.69 లక్షల మంది పార్ట్‌-2 దరఖాస్తులను సమర్పించాల్సి ఉంటుందని బోర్డు వర్గాలు తెలిపాయి. ఈ దరఖాస్తుల స్వీకరణ అనంతరం పీఎంటీ, పీఈటీల వేదికలు, తేదీల గురించి అభ్యర్థులకు వెబ్‌సైట్‌ ద్వారా బోర్డు ఇంటిమేషన్‌ లెటర్లు జారీ చేస్తుంది.

అభ్యర్థులు అప్​లోడ్​ చేయాల్సిన డాక్యుమెంట్స్

1. డేట్ ఆఫ్ బర్త్ సర్టిఫికేట్ లేదా.. పదో తరగతి మెమోను అప్ లోడ్ చేయాలి.

2. ఎస్సై అభ్యర్థులు అయితే.. డిగ్రీ సర్టిఫికేట్ ను అప్ లోడ్ చేయాల్సి ఉంటుంది. కానిస్టేబుల్ అభ్యర్థులు ఇంటర్మీడియ్ మెమోను అప్ లోడ్ చేయాలి.

3. బీసీ అభ్యర్థులు రిజర్వేషన్ వర్తిస్తే.. నాన్ క్రీమిలేయర్ సర్టిఫికేట్ తీసుకోవాలి. వీటిని ఎంఆర్ఓల ద్వారా జారీ చేయపడతాయి. ఈ సర్టిఫికేట్స్ అనేవి ఏప్రిల్ 1, 2021 తర్వాత తీసుకుంటే వాటిని పరిగణలోకి తీసుకుంటారు.

4. ఈడబ్ల్యూఎస్ అభ్యర్థులు ఈడబ్ల్యూఎస్​ సర్టిఫికేట్ ను తీసుకోవాలి. వీటిని అప్లికేషన్ లో అప్ లోడ్ చేయాల్సి ఉంటుంది.

5. ఒకటో తరగతి నుంచి 10వ తరగతి వరకు స్డడీ సర్టిఫికేట్స్ ఉండాలి. లేదంటే.. 1 నుంచి 7వరకు స్టడీ సర్టిఫికేట్స్ ఉన్నా సరిపోతుంది.

6. ఎస్సీ, ఎస్టీ, బీసీ అభ్యర్థులకు కుల ధ్రువీకరణ పత్రం తప్పనిసరి.

7. ఏజెన్సీ ఏరియాకు చెందిన వారు.. ఏజెన్సీ కుల ధ్రువీకరణ పత్రం కలిగి ఉండాలి.

8. ఆధార్ కార్డు, పరీక్ష హాల్ టికెట్స్ ను కూడా దగ్గర ఉంచుకోవాలి.

9. ఇతర రిజర్వేషన్ అభ్యర్థులు రిజర్వేషన్ సర్టిఫికేట్ కలిగి ఉండాలి.

10. ప్రభుత్వ ఉద్యోగంలో కొనసాగుతున్న వారు.. సర్వీస్ సర్టిఫికేట్ ను అప్ లోడ్ చేయాల్సి ఉంటుంది. దీంతో పాటు.. నో డ్యూ సర్టిఫికేట్​ అవసరం.