UGC NET 2023 పరీక్ష షెడ్యూల్‌ విడుదలైంది. యూనివర్సిటీ గ్రాంట్స్ కమిషన్ నేషనల్ ఎలిజిబిలిటీ టెస్ట్ జూన్ 2023 ఎగ్జామ్కు సంబంధించి అప్లికేషన్లను స్వీకరిస్తోంది. మే 10 నుంచి మే 31 వరకు అభ్యర్థులు ఆన్‌లైన్‌లో అప్లికేషన్లు సమర్పించాల్సి ఉంటుంది. ఏటా ఈ పరీక్షను రెండు సార్లు నిర్వహిస్తారు. కంప్యూటర్ బేస్డ్ ఎగ్జామ్ నిర్వహించే బాధ్యతను యూజీసీ NTA కు అప్పగించింది. యూనివర్సిటీల్లో అసిస్టెంట్ ప్రొఫెసర్‌ పోస్టులకు, జూనియర్‌ రీసెర్చ్ ఫెలోషిప్‌కు పోటీపడేందుకు పీజీ పూర్తి చేసిన అభ్యర్థులకు ఈ పరీక్ష ఉపయోగపడుతుంది. మొత్తం 83 సబ్జెక్టులకు ఈ పరీక్ష నిర్వహిస్తారు. జూన్ 13వ తేదీ నుంచి 22వ తేదీ వరకు పరీక్షలు జరుగుతాయి.
ఆన్‌లైన్ దరఖాస్తులు ప్రారంభం: 10-05-2023.
ఆన్‌లైన్ దరఖాస్తుకు చివరి తేదీ: 31-05-2023.
పరీక్ష రుసుం చెల్లింపు చివరి తేదీ: 01-06-2023.
దరఖాస్తు సవరణ తేదీలు: 02-03 జూన్, 2023.
అప్లికేషన్లకు అఫిషియల్ వెబ్సైట్ : https://ugcnet.nta.nic.in
అర్హత: 55% మార్కులతో పీజీ లేదా తత్సమాన పరీక్షలో ఉత్తీర్ణులై ఉండాలి.
వయోపరిమితి: జేఆర్‌ఎఫ్‌కు జూన్ 30వ తేదీ నాటికి 30 ఏళ్లు మించకూడదు. అసిస్టెంట్ ప్రొఫెసర్‌కు గరిష్ఠ వయోపరిమితి లేదు.
పరీక్ష విధానం: కంప్యూటర్ ఆధారిత పరీక్ష(సీబీటీ) విధానంలో ఉంటుంది. పరీక్షలో రెండు పేపర్లు ఉంటాయి. రెండు పేపర్లలో ఆబ్జెక్టివ్ టైప్, మల్టిపుల్ చాయిస్ ప్రశ్నలు ఉంటాయి. పేపర్‌-1లో 50 ప్రశ్నలు… 100 మార్కులు, పేపర్‌-2లో 100 ప్రశ్నలు… 200 మార్కులు కేటాయించారు. పరీక్షకు 3 గంటల వ్యవధి ఉంటుంది.
దరఖాస్తు రుసుము: జనరల్/ అన్‌రిజర్వ్‌డ్‌కు రూ.1150; జనరల్- ఈడబ్ల్యూఎస్‌/ ఓబీసీ- ఎన్‌సీఎల్‌ రూ.600; ఎస్సీ, ఎస్టీ, దివ్యాంగులు, థర్డ్ జెండర్‌కు రూ.325.
పరీక్ష తేదీలు: జూన్ 13వ తేదీ నుంచి 22వ తేదీ వరకు
READ MORE
