నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ(నిఫ్ట్) దేశవ్యాప్తంగా ఉన్న 18 క్యాంపస్‌లలో అకడమిక్ సెషన్ 2024-–25కు సంబంధించి బ్యాచిలర్, మాస్టర్ డిగ్రీ, పీహెచ్డీ కోర్సుల్లో అడ్మిషన్స్కు అప్లికేషన్స్ కోరుతోంది.
నిఫ్ట్ క్యాంపస్‌లు: బెంగళూరు, భోపాల్, భువనేశ్వర్, చెన్నై, దమణ్‌, గాంధీనగర్, హైదరాబాద్, జోధ్‌పుర్, కాంగ్రా, కన్నూర్, ముంబయి, న్యూదిల్లీ, పట్నా, పంచకుల, రాయ్‌బరేలి, షిల్లాంగ్, శ్రీనగర్.
కోర్సులు:
బ్యాచిలర్ ప్రోగ్రామ్: నాలుగేళ్ల డ్యూరేషన్ ఉంటుంది. బ్యాచిలర్ ఆఫ్ డిజైన్ ప్రోగ్రామ్(బీడీఈఎస్‌): ఫ్యాషన్ డిజైన్/ లెదర్ డిజైన్/ యాక్సెసరీ డిజైన్/ టెక్స్‌టైల్ డిజైన్/ నిట్‌వేర్ డిజైన్/ ఫ్యాషన్ కమ్యూనికేషన్. బ్యాచిలర్ ఆఫ్ ఫ్యాషన్ టెక్నాలజీ (బీఎఫ్టెక్) కోర్సులు ఉంటాయి.
మాస్టర్స్ డిగ్రీ: రెండేళ్ల వ్యవధి ఉంటుంది. ఇందులో మాస్టర్ ఆఫ్ డిజైన్ ప్రోగ్రామ్ (ఎండీఈఎస్‌), మాస్టర్ ఆఫ్ ఫ్యాషన్ మేనేజ్‌మెంట్ (ఎంఎఫ్‌ఎం), మాస్టర్ ఆఫ్ ఫ్యాషన్ టెక్నాలజీ (ఎంఎఫ్‌టెక్‌) కోర్సులు ఉంటాయి. పీహెచ్డీ కోర్సులో (డిజైన్, మేనేజ్‌మెంట్, టెక్నాలజీ) విభాగాల్లో ఖాళీలు ఉన్నాయి.
అర్హతలు: యూజీ కోర్సుకు ఇంటర్లో ఉత్తీర్ణత; పీజీ ప్రోగ్రామ్‌కు ఏదైనా డిగ్రీ లేదా బీఎఫ్టెక్, బీఈ, బీటెక్‌; పీహెచ్డీ ప్రోగ్రామ్‌కు సంబంధిత విభాగంలో మాస్టర్స్ డిగ్రీ ఉత్తీర్ణులై ఉండాలి. యూజీకి 24 సంవత్సరాలు మించకూడదు. పీజీ, పీహెచ్డీ కోర్సులకు వయోపరిమితి లేదు. రాత పరీక్ష, ఇంటర్వ్యూ తదితరాల ఆధారంగా అభ్యర్థుల ఎంపిక ఉంటుంది.
దరఖాస్తులు: యూజీ, పీజీ ప్రోగ్రామ్ జనవరి 3 వరకు దరఖాస్తు చేసుకోవాలి. డిగ్రీ, పీజీ ఎంట్రెన్స్ ఎగ్జామ్ ఫిబ్రవరి 5న నిర్వహిస్తారు. ఏప్రిల్లో ఇంటర్వ్యూ ఉంటుంది. పీహెచ్డీ కోర్సుకు ఫిబ్రవరి 29 వరకు దరఖాస్తు చేసుకోవాలి. మే లో రాత పరీక్ష ఉంటుంది. పూర్తి వివరాలకు www.nift.ac.in వెబ్సైట్లో సంప్రదించాలి.
