ఇంటర్​ పరీక్షల షెడ్యూల్​ మళ్లీ ఛేంజ్​

తెలంగాణాలో ఇంటర్మీడియేట్​ పరీక్షల షెడ్యూల్లో మళ్లీ మార్పులు చోటుచేసుకోనున్నట్టు సమాచారం. ఈ మేరకు ఒకటి రెండ్రోజుల్లో విద్యాశాఖ నుంచి స్పష్టత వచ్చే అవకాశం ఉంది. ఇంటర్ పరీక్ష తేదీలపై జేఈఈ మెయిన్​ షెడ్యూల్​ ప్రభావం పడే చాన్స్​ ఉన్నందున మరోసారి ఇంటర్​ పరీక్షల షెడ్యూల్​ను మార్చే ఆలోచనలో పడింది ఇంటర్​ బోర్డు.

తాజాగా ప్రకటించిన షెడ్యూల్​ ప్రకారం రాష్ట్రంలో ఏప్రిల్​ 22 నుంచి మే 11 వరకు ఇంటర్​ మొదటి సంవత్సరం పరీక్షలు, ఏప్రిల్​ 23 నుంచి మే 12 వరకు ఇంటర్​ రెండో సంవత్సరం పరీక్షలు నిర్వహించనున్నారు. మొదటగా అయితే ఏప్రిల్​ 21 నుంచి జేఈఈ మెయిన్​ పరీక్ష కారణంగా ఇదివరకే ఏప్రిల్​ 20న ప్రారంభయ్యే ఇంటర్​ పరీక్షల షెడ్యూల్​ను మార్చిన సంగతి తెలిసిందే.. కాగా జేఈఈ మెయిన్​ షెడ్యూల్​ కారణంగా మరోసారి ఇంటర్​ పరీక్షల షెడ్యూల్​ను మార్చే యోచనలో ఇంటర్​ బోర్డు ఉంది. దీనిపై త్వరలోనే స్పష్టత ఇస్తామని రాష్ట్ర విద్యాశాఖ మంత్రి సబితాఇంద్రారెడ్డి తెలిపారు