తెలంగాణలో ఎంసెట్‌, ఈ సెట్‌ ప్రవేశ పరీక్షలకు సంబంధించిన తేదీలను రాష్ట్ర విద్యాశాఖ మంత్రి పి.సబితా ఇంద్రారెడ్డి ప్రకటించారు. ఎంసెట్‌ పరీక్షను జూలై 14, 15, 18, 19, 20 తేదీల్లో
నిర్వహించాలని ప్రభుత్వం నిర్ణయించినట్లు తెలిపారు. ఈసెట్​
పరీక్షను జూలై 18వ తేదీన నిర్వహించనున్నట్లు ప్రకటించారు.
రాష్ట్రంలోని వివిధ ప్రవేశ పరీక్షలకు సంబంధించి
రాష్ట్ర ఉన్నత విద్యా మండలి ఛైర్మన్‌ ప్రొఫెసర్​ లింబాద్రితో పాటు
ఇతర అధికారులతో మంత్రి సమీక్ష సమావేశాన్ని నిర్వహించారు. ఈ పరీక్షలను 28 రీజనల్‌ సెంటర్స్‌ పరిధిలోని 105 పరీక్ష కేంద్రాల్లో నిర్వహిస్తారని మంత్రి తెలిపారు. ఎంసెట్‌లో అగ్రికల్చర్​కు సంబంధించి జులై 14,15 తేదీల్లో, ఇంజనీరింగ్‌కు సంబంధించి జులై 18, 19, 20 తేదీల్లో జరుగుతాయి.