తెలంగాణలో కొలువుల జాతర కొనసాగుతోంది. తెలంగాణ పబ్లిక్ సర్వీస్ కమిషన్ నుంచి మరో కీలకమైన నోటిఫికేషన్ వెలువడింది. ఇప్పటికే గ్రూప్-1, గ్రూప్-2, గ్రూప్-4 నోటిఫికేషన్లు ఇచ్చిన టీఎస్పీఎస్సీ తాజాగా గ్రూప్ 3 నోటిఫికేషన్ విడుదల చేసింది. మొత్తం 1365 పోస్టుల రిక్రూట్మెంట్ చేపట్టనుంది. జనవరి 24 నుంచి అప్లికేషన్ల ప్రక్రియ మొదలవుతుంది. ఫిబ్రవరి 23వ తేదీ వరకు అప్లికేషన్లు స్వీకరిస్తారు. జులైలో పరీక్ష నిర్వహించే అవకాశాలున్నాయి. గ్రూప్-2 నోటిఫికేషన్ నిన్న విడుదల కాగా.. జనవరి 18 నుంచి దరఖాస్తుల ప్రక్రియ ప్రారంభం కానుంది.
