గ్రూప్-4కు భారీగా పోటీ.. ఎన్ని లక్షల దరఖాస్తులు వచ్చాయంటే?

తెలంగాణలో 8039 గ్రూప్-4 ఉద్యోగాలు సంబంధించిన దరఖాస్తుల ప్రక్రియ డిసెంబర్ 30 వ తేదీ నుంచి ప్రారంభమైన విషయం తెలిసిందే. దరఖాస్తు చేసుకోవడానికి జనవరి 30ని ఆఖరి తేదీగా నిర్ణయించారు అధికారులు. అర్హత, ఆసక్తి కలిగిన అభ్యర్థులు ఆ తేదీలోగా తమ దరఖాస్తులను సమర్పించాల్సి ఉంటుంది. అయితే.. ఇప్పటి వరకు మొత్తం.. 497056 దరఖాస్తులు వచ్చినట్లు అధికారులు తెలిపారు. దరఖాస్తులు ముగిసే నాటికి ఈ సంఖ్య 9 లక్షలకు చేరే అవకాశం ఉందని అధికారులు అంచనా వేస్తున్నారు.