టీఎస్పీఎస్సీ (TSPSC) నిర్వహిస్తున్న గ్రూప్ 2 (GROUP 2 ) పోస్టులకు ఈసారి భారీ పోటీ నెలకొంది. ఇప్పటికే పెద్ద సంఖ్యలో అప్లికేషన్లు నమోదయ్యాయి. ఎల్లుండి సాయంత్రంతో (ఈనెల 16తో) అప్లికేషన్ల గడువు ముగియనుంది. మంగళవారం సాయంత్రం వరకు అప్లికేషన్ల సంఖ్య నాలుగున్నర లక్షలు దాటిపోయింది. గ్రూప్ 2 కి దాఖలైన అప్లికేషన్ల సంఖ్య 4.63 లక్షలకు చేరినట్లు టీఎస్పీఎస్సీ వర్గాలు తెలిపాయి.
గ్రూప్ 2తో పాటు గ్రూప్ 3 పోస్టులకు అప్లికేషన్లు వెల్లువెత్తుతున్నాయి. గ్రూప్ 3 పోస్టులకు అప్లై చేసుకునేందుకు ఈ నెల 23వ తేదీ వరకు తుది గడువు ఉంది. మంగళవారం సాయంత్రం వరకు గ్రూప్ 3 అప్లికేషన్ల సంఖ్య 3 లక్షల 76 వేలకు చేరిందని టీఎస్పీఎస్సీ ప్రకటించింది. ఇప్పటికే గడువు ముగిసిన గ్రూప్ 4 అప్లికేషన్ల సంఖ్య 9.60 లక్షలకు చేరటం తెలిసిందే.
Hi
Pls share me
Exlent