భారత్ ఎలక్ట్రానిక్స్ లిమిటెడ్ (BEL)లో 12 హవల్దార్ పోస్టుల భర్తీకి నోటిఫికేషన్ విడుదల చేసింది. ఈ నోటిఫికేషన్ లోని పోస్టులకు ఆన్‌లైన్ విధానంలో దరఖాస్తులను ఆహ్వానిస్తున్నారు. అర్హత మరియు ఆసక్తి ఉన్న అభ్యర్థులు అధికారిక వెబ్‌సైట్ bel-india.in ద్వారా జూన్ 6, 2023లోపు దరఖాస్తు చేసుకోవచ్చు.
ఖాళీల వివరాలు:
హవల్దార్ (సెక్యూరిటీ) -12 పోస్టులు. జనరల్ కేటగిరీలో 06, ఈడబ్ల్యూఎస్ 01, ఓబీసీ 03, ఎస్సీ 02 పోస్టులను కేటాయించారు.
అర్హతలు:
అభ్యర్థులు ఏదైనా గుర్తింపు పొందిన బోర్డు లేదా ఇన్‌స్టిట్యూట్ నుండి 10వ తరగతి ఉత్తీర్ణులై ఉండాలి. అలాగే అధికారిక నోటిఫికేషన్‌లో ఇచ్చిన అనుభవం ఉండాలి.
వయో పరిమితి:
అభ్యర్థుల గరిష్ట వయస్సు 43 సంవత్సరాలు. వయస్సు 1 మే 2023 ఆధారంగా లెక్కించబడుతుంది. ఓబీసీ కేటగిరీ అభ్యర్థులకు గరిష్ట వయోపరిమితిలో మూడేళ్లు, ఎస్సీ, ఎస్టీ అభ్యర్థులకు ఐదేళ్ల సడలింపు ఉంటుంది.
జీతభత్యాలు:
నెలకు రూ. 20,500-79,000 ఇవ్వబడుతుంది . అలాగే CTC: రూ. 5.11 లక్షలుగా ఉంటుంది.
ఎంపిక ప్రక్రియ:
ఈ పోస్టుల ఎంపిక ప్రక్రియలో భాగంగా అభ్యర్థులు ఫిజికల్ ఎండ్యూరెన్స్ టెస్ట్‌లో ఉత్తీర్ణులు కావాలి. శారీరక దారుఢ్య పరీక్షలో అర్హత సాధించిన వారు రాత పరీక్షకు షార్ట్‌లిస్ట్ చేయబడతారు. ఫిజికల్ ఎండ్యూరెన్స్ టెస్ట్ అండ్ రాత పరీక్ష బెంగళూరులో నిర్వహించబడుతుందని అభ్యర్థులు గమనించాలి.
