గురుకుల అభ్యర్థులకు అలర్ట్.. ఆన్లైన్లోనే నియామక పరీక్షలు.. ఎగ్జామ్ డేట్స్, రిజల్ట్స్ అప్టేట్స్ ఇవే!

తెలంగాణలోని ఎస్సీ, ఎస్టీ, బీసీ, మైనారిటీ గురుకులాల్లో మొత్తం 9,231 ఖాళీల భర్తీకి తెలంగాణ రెసిడెన్షియల్ ఇనిస్టిట్యూషన్స్ రిక్రూట్మెంట్ బోర్డు (TREIRB) నోటిఫికేషన్ విడుదల చేసిన విషయం తెలిసిందే. ఈ ఉద్యోగాలకు సంబంధించిన దరఖాస్తు ప్రక్రియ ఇప్పటికే పూర్తయింది. తాజాగా పరీక్షల తేదీలను ఖరారు చేశారు అధికారులు. గురుకుల ఉద్యోగాలకు సంబంధించి పరీక్షలను ఆగస్ట్ 01 నుంచి ఆగస్టు 23 తేదీ వరకు నిర్వహించనున్నట్టు పేర్కొన్నారు. అయితే, ఈ పరీక్షల షెడ్యూల్‌ను ఒకట్రెండుల్లో వెల్లడించనున్నట్టు తెలంగాణ రెసిడెన్షియల్‌ ఎడ్యుకేషనల్‌ ఇన్‌స్టిట్యూషన్స్‌ రిక్రూట్‌మెంట్‌ బోర్డు కన్వీనర్‌ డా. మల్లయ్య బట్టు తెలిపారు. ఈ పరీక్షలన్నీ ఆన్‌లైన్‌లోనే జరుగుతాయని చెప్పారు. అక్టోబర్ నాటికి ఫలితాలను విడుదల చేసి.. ఈ విద్యాసంవత్సరంలోనే నియామకాలను పూర్తి చేయాలని బోర్డు భావిస్తోంది. 9వేల పైచీలుకు పోస్టులకు గాను గురుకుల నియామక బోర్డు 9 నోటిఫికేషన్లను విడివిడిగా విడుదల చేయగా.. 2.63లక్షల మందికి పైగా దరఖాస్తులు చేసుకున్నారు.