ఇంటర్​ అడ్వాన్స్​డ్​​ పరీక్షల తేదీల మార్పు

ఇంటర్​ అడ్వాన్స్​డ్​ సప్లిమెంటరీ పరీక్షలు వాయిదా పడ్డాయి. ముందుగా ప్రకటించిన తేదీలను మారుస్తూ ఇంటర్​ బోర్డు తాజాగా నిర్ణయం తీసుకుంది. ముందుగా ప్రకటించిన షెడ్యూలు ప్రకారం ఇంటర్​ సప్లిమెంటరీ పరీక్షలు జూన్​ 4వ తేదీ నుంచి ప్రారంభం కావాలి. అదే రోజున జూన్​ 4వ తేదీన జేఈఈ పరీక్షలు ఉండటంతో సప్లిమెంటరీ పరీక్షలను రీషెడ్యూలు చేసినట్లు బోర్డు ప్రకటించింది.

కొత్త షెడ్యూలు ప్రకారం జూన్​ 12 వ తేదీ నుంచి జూన్​ 20వ తేదీ వరకు పరీక్షలు నిర్వహిస్తారు. ఇంటర్​ ఫస్టియర్​ పరీక్షలు ఉదయం 9 గంటల నుంచి మధ్యాహ్నం 12 గంటల వరకు, సెకండియర్​ పరీక్షలు మధ్యాహ్నం 2.30 నుంచిసాయంత్రం 5.30 గంటల వరకు నిర్వహించనున్నట్లు ఇంటర్​ బోర్డు ప్రకటన విడుదల చేసింది.

INTER ADVANCED SUPPLEMENTARY EXAMS NEW SCHEDULE