ఆ ఉద్యోగాలకు అప్లై చేసుకున్న వారికి అలర్ట్.. టీఎస్పీఎస్సీ కీలక ప్రకటన

తెలంగాణ స్టేట్ పబ్లిక్ సర్వీస్ కమిషన్ తాజాగా కీలక ప్రకటన చేసింది. మొత్తం 1392 జూనియర్ లెక్చరర్ ఉద్యోగాలకు దరఖాస్తు చేసుకున్న వారికి గుడ్ న్యూస్ చెప్పింది. దరఖాస్తుల్లో తప్పులు సరి చేసుకునేందుకు అవకాశం కల్పించింది. అభ్యర్థులు ఈ నెల 14వ తేదీ నుంచి 17 వరకు అభ్యర్థులు తప్పులు సరిచేసుకోవచ్చని తెలిపింది. అభ్యర్థులు ఈ ఛాన్స్ ఒక్కసారి మాత్రమే ఉంటుందని స్పష్టం చేసింది. అభ్యర్థులు జాగ్రత్తగా తప్పులను సరి చేసుకోవాలని సూచించింది. దీని కోసం అభ్యర్థులు అధికారిక వెబ్ సైట్ https://www.tspsc.gov.in/ద్వారా ఆన్ లైన్ లో సవరించుకోవాల్సి ఉంటుంది. ఇక దీనికి సంబంధించి పరీక్షను జూన్ లేదా జులై 2023లో నిర్వహించనున్నారు. 27 సబ్జెక్టుల్లో.. మల్టీ జోన్ 1 లో 724, మల్టీ జోన్ 2 లో 668 పోస్టులను భర్తీ చేయనున్నారు.