నిరుద్యోగులకు స్టాఫ్ సెలక్షన్ కమిషన్ శుభవార్త.. ఇంటర్ అర్హతతో భారీగా జాబ్స్.. ఇలా అప్లై చేసుకోండి

స్టాఫ్ సెలక్షన్ కమిషన్ (SSC) నిరుద్యోగులకు అదిరిపోయే శుభవార్త చెప్పింది. తాజాగా ఇంటర్ అర్హతతో స్టెనోగ్రాఫర్ ఉద్యోగాల భర్తీకి నోటిఫికేషన్ విడుదల చేసింది. ఇందుకు సంబంధించిన దరఖాస్తు ప్రక్రియ ఆగస్టు 2 నుంచి ప్రారంభం కానుంది. దరఖాస్తు చేసుకోవడానికి ఈ నెల 23ను ఆఖరి తేదీగా నిర్ణయించారు. మొత్తం 1207 ఖాళీలను ఈ నోటిఫికేషన్ ద్వారా భర్తీ చేస్తున్నారు. ఇందులో గ్రేడ్-సీ 93 పోస్టులు, గ్రేడ్-డీ 1114 పోస్టులు ఉన్నాయి. అప్లికేషన్ ప్రక్రియ ముగిసిన తరువాత ఆగస్టు 24న ఎడిట్ విండో ఓపెన్ అవుతుంది. ఈ ఛాన్స్ ఆగస్టు 25న ముగుస్తుంది.

విద్యార్హతల వివరాలు:
దరఖాస్తు చేసుకునే అభ్యర్థులు గుర్తింపు పొందిన బోర్డ్ నుంచి ఇంటర్ పాసై ఉండాలి. లేదా అందుకు సమానమైన కోర్సు చేసి ఉండాలి. స్టెనోగ్రాఫర్ స్కిల్స్ ఉండాలి.

వయో పరిమితి:
స్టెనోగ్రాఫర్ గ్రేడ్-సీ ఉద్యోగాలకు అభ్యర్థుల వయసు 2023 ఆగస్టు 1 నాటికి 18 నుంచి 30 ఏళ్ల మధ్య ఉండాలి. స్టెనోగ్రాఫర్ గ్రేడ్-డీ పోస్టుకు 18 నుంచి 27 ఏళ్ల మధ్య ఉండాలి. గ్రేడ్- సీ ఉద్యోగానికి గరిష్ట వయోపరిమితిలో సడలింపు ఉంది. ఎస్సీ, ఎస్టీ అభ్యర్థులకు 40 ఏళ్లు, విడాకులు తీసుకుని ఒంటరిగా ఉన్న మహిళలకు 35 ఏళ్ల వరకు సడలింపు ఉంటుంది. గ్రేడ్-డీ గరిష్ట వయోపరిమితిలో ఎస్సీ, ఎస్టీ అభ్యర్థులకు ఐదేళ్ల సడలింపు ఇస్తారు. ఓబీసీ అభ్యర్థులకు మూడేళ్లు, పీడబ్ల్యూడీ(జనరల్), పీడబ్ల్యూడీ (ఓబీసీ) 13 ఏళ్లు, పీబ్ల్యూడీ(ఎస్సీ, ఎస్టీ) 15 ఏళ్ల వరకు గరిష్టవయసులో సడలింపు ఉంటుంది.

అప్లికేషన్ ప్రాసెస్:

• అధికారిక పోర్టల్ https://ssc.nic.in/ విజిట్ చేయాలి. హోమ్ పేజీలోని లాగిన్ పోర్టల్‌లో రిజిస్టర్ అవ్వాలి.
• రిజిస్టర్ ఐడీ, పాస్‌వర్డ్‌తో లాగిన్ అయ్యి, ‘స్టెనోగ్రాఫర్ గ్రేడ్-సీ, గ్రేడ్-డీ రిక్రూట్‌మెంట్‌’ లింక్ క్లిక్ చేయాలి.
  -సూచించిన వివరాలను ఎంటర్ చేసి అప్లికేషన్ ఫారమ్ నింపాలి. తర్వాత అవసరమైన డాక్యుమెంట్స్ అప్‌లోడ్ చేయాలి.
• అప్లికేషన్ ఫీజు చెల్లించి, ఫారమ్‌ను సబ్‌మిట్ చేయాలి.

దరఖాస్తు ఫీజు:
జనరల్, ఓబీసీ అభ్యర్థులు అప్లికేషన్ ఫీజుగా రూ.100 చెల్లించాలి. ఎస్సీ, ఎస్టీ, మహిళా అభ్యర్థులకు ఎలాంటి ఫీజు ఉండదు.