మే 6న ఫార్మసిస్ట్ జాబ్ మేళా

ఉస్మానియా యూనివర్సిటీలోని ఎంప్లాయిమెంట్ బ్యూరో అధ్వర్యంలో అపోలో ఫార్మసీ ఈ నెల 6 న ఉదయం 11 గంటలకు జాబ్ మేళా నిర్వహించనున్నది. ఉస్మానియా యూనివర్సిటీ, ఆర్ట్స్ కాలేజీ ఎదురుగా ఉన్న ఎంప్లాయిమెంట్ బ్యూరో కార్యాలయంలో ఈ జాబ్ మేళా నిర్వహించనున్నారు. అపోలో ఫార్మసీ లోని దాదాపు 100 ఫార్మాసిస్టు, అసిస్టెంట్ ఫార్మసిస్ట్ 100 పోస్టులను ఈ జాబ్ మేళా ద్వారా భర్తీ చేయనున్నారు.

డీ ఫారసీ, బీ ఫార్మసీ, ఎం.ఫార్మసీ, డిగ్రీ చేసిన 18 నుండి 35 సంవత్సరాల వయసు వారికి మాత్రమే ఈ జాబ్ మేళాలో అవకాశం కల్పించింది. విద్యార్హతల సర్టిఫికెట్ల జిరాక్స్ తో ఉస్మానియా యూనివర్సిటీ ఎంప్లాయిమెంట్ బ్యూరో వద్ద నేరుగా మే 6వ తేదీన హాజరు కావాలి. రూ.15,000 నుండి రూ.18,000 వరకు వేతనం ఉండే ఈ ఫార్మసిస్ట్ ఉద్యోగాలకు సంబంధించి మరిన్ని వివరాలకు టి. రఘుపతి, HR (Ph.No.82476 56356) ను సంప్రదించాలి.