ప్రముఖ ఐటీ కంపెనీ విప్రో ఫ్రెష‌ర్స్‌కు గుడ్ న్యూస్ చెప్పింది. ఎలైట్ నేషనల్ టాలెంట్ హంట్ ప్రాజెక్ట్‌ ఇంజినీర్‌ పేరుతో గ్రాడ్యుయేట్‌ల‌ను నియమించుకుంటోంది. ఈ ప్రోగ్రాం ద్వారా 2020, 2021, 2022 ఇంజినీరింగ్ పాసైన విద్యార్థులంతా అర్హులేన‌ని పేర్కొంది. ఫైన‌ల్ ఇయ‌ర్ విద్యార్థులు కూడా అప్లై చేసుకోవ‌చ్చు.
ఏడాదికి రూ.3.5 లక్షల జీతం
ఈ ఉద్యోగాలకు ఎంపికైన అభ్యర్థులకు ఏడాదికి రూ.3.5లక్షల వేత‌నం ఉంటుంది. అంతే కాకుండా ఒక ఏడాది అగ్రిమెంట్ బాండ్ ఉంటుంది. ఎంపికైన వారు 2022-23 సంవత్సరంలో ఉద్యోగాల్లో చేరాల్సి ఉంటుంది. ఈ ప‌రీక్షకు ద‌ర‌ఖాస్తు చేసుకోవడానికి జ‌న‌వ‌రి 31, 2022 వ‌ర‌కు అవ‌కాశం ఉంది.
అర్హతలు:
2020, 2021, 2022లో గ్రాడ్యుయేట్ చేసి ఉండాలి.
బీటెక్‌, బీఈ లేదా ఎంటెక్ / ఎంఈ చేసి ఉండాలి.
ప‌ది, ఇంటర్ ఫుల్ టైం కోర్సులు చ‌దివి ఉండాలి.
ప‌దిలో, ఇంట‌ర్‌లో 60శాతం కంటే ఎక్కువ మార్కులు ఉండాలి.
ఇంజినీరింగ్‌లో 60 శాతం మార్కులు లేదా 6.0 సీజీపీఏ వ‌చ్చి ఉండాలి.
ఎంపిక సమ‌యానికి ఒక స‌బ్జెక్ట్ బ్యాక్ లాగ్ ఉన్నా ఆఫ‌ర్ లెట‌ర్ ఇస్తారు.
మూడేళ్ల కన్నా ఎక్కువ ఎడ్యుకేష‌న్ గ్యాప్ ఉండ‌కూడ‌దు.
ఆరునెలల వ్యవ‌ధిలో ఎలాంటి విప్రో ప‌రీక్షలు రాసి ఉండ‌కూడ‌దు.
ఆన్‌లైన్ ఎగ్జామ్ ప్యాటర్న్:
ఈ ఆన్‌లైన్ అసెస్మెంట్ పరీక్షలో మూడు సెక్షన్స్ ఉంటాయి. మొత్తం 128 నిమిషాలు ఆన్‌లైన్ అసెస్మెంట్ ఉంటుంది. ఇందులో ఆప్టిట్యూడ్‌ టెస్ట్ ఫర్ లాజికల్ ఎబిలిటీ, క్వాంటిటేటీవ్ ఎబిలిటీ, ఇంగ్లిష్ (వర్బల్) ఎబిలిటీకి 48 నిమిషాలు ఉంటుంది. ఎస్సే రైటింగ్ 20 నిమిషాలు, ఆన్‌లైన్ ప్రోగ్రామింగ్ టెస్ట్ ఫీచరింగ్ 60 నిమిషాలు ఉంటుంది. కోడింగ్‌లో రెండు ప్రోగ్రామ్స్‌కు సంబంధించినవి ఉంటాయి.
వెబ్సైట్: https://app.joinsuperset.com/company/wipro/elite-national-talent-hunt.html
